June 2026

Tutulungan ng mga eksperto mula China ang apat (4) na pangunahing lungsod sa Metro Manila upang ma-resolba ang problema sa illegal settling.

Kaugnay nito, lumagda ng memorandum of understanding si Manila Mayor Joseph Estrada at Shanghai-Nanjang Group of Company para sa isasagawang pag-aaral upang matugunan ang problema.

Ayon kay Shanghai-Nanjang Group Executive-Vice President Huang Qiao Gang, tatagal ng anim (6) na buwan ang feasibility study hinggil sa paninirahan ng mga informal settler sa mga ipinagbabawal na lugar gaya ng  daluyan ng tubig.

Layunin nito na makapaglatag ng pang-matagalang solusyon sa naturang problema kabilang ang relokasyon at pagkakaloob ng hanapbuhay.

By Drew Nacino | With Report from Aya Yupangco

Idinepensa ni Congressman Winston Castelo ang desisyon nyang mag ober da bakod sa partido ng Pangulong Rodrigo Duterte mula sa dating kina-aaniban nyang Liberal Party o LP ni dating Pangulong Noynoy Aquino.

Ayon kay Castelo, napag pasyahan nya ito makaraang ang masusing konsultasyon sa kanyang mga kapartido, pamilya at higit sa lahat sa kanyang mga constituents na naglagay sa kanya sa puwesto.

Sinabi ni Castelo na sinundan lamang nya ang malawak na suportang ibinibigay ng kanyang constituents sa Pangulo.

Pumalag si Castelo sa alegasyon na lumipat sila sa partido ng Pangulo para makasiguro ng panalo sa Midterm Elections sa 2019.

Isa lamang si Castelo sa halos sampung (10) miyembro ng LP na lumipat na sa PDP-Laban.

“Hindi naman, I am sure naman that the other party will understand eh, they would also want me to succeed and we will also  discuss it and the best way, sa aming understanding is to help our people who also help this administration because the success of this administration will also give benefits to my constituents”, bahagi ng pahayag ni Castelo sa panayam ng DWIZ.

By Len Aguirre | Ratsada Balita (Interview)

Nakakapangamba ang sunod-sunod na pagtatalaga ng Pangulong Rodrigo Duterte ng mga militar sa kanyang gabinete.

Ayon kay Renato Reyes, Secretary General ng BAYAN o Bagong Alyansang Makabayan, kuwestyonable para sa kanila kung bakit nais ng Pangulo na mapaligiran sya ng militar.

Kabilang sa mga pinakahuling itinalaga ng Pangulo sina Department of Environment and Natural Resources o DENR Secretary Roy Cimatu na dating Armed Forces of the Philippines (AFP) Chief of Staff  at incoming Department of Interior and Local Government (DILG) Secretary Eduardo Año na kasalukuyan pang Chief of Staff ng AFP.

“Isa na lang daw ang kulang sa lahat, mukha naman siyang nagbibiro what was, for me, alam niya na sunod-sunod na yung appointments niya ng military officials dun sa cabinet position and that he finds it nothing’s wrong or parang merong may pangangailangan siya eh noh? Hindi kop o lubos na mabasa pa kung bakit malakas yung kanyang lead na mag appoint ng mga heneral, ano ba ang pinaninimbangan niya?”, pahayag ni Reyes.

Panukalang national ID system hahareangin ng BAYAN

Pakikilusin ng BAYAN ang kanilang mga kaalyado sa kongreso para harangin ang national ID system.

Ayon kay Renato Reyes, umaasa rin sila na mas malaki ang tsansang hindi makalusot ang panukala pag akyat nito sa senado.

Iginiit ni Reyes na mapanganib sa bawat Pilipino ang national Id system lalo pa’t mahina ang kakayahan ng pamahalaan na pangalagaan ang lahat ng sensitibong impormasyon tungkol sa isang tao na ilalagay nila sa databank.

Una nang lumusot sa committee level ang national ID system kung saan itinatalaga ang PSA o Philippine Statistics Authority bilang tigapangalaga sa databank ng lahat ng impormasyon tungkol sa bawat Pilipino.

“Ang problema, ano ang magiging effect nito sa privacy ng mga tao at sa information po na maaaring makontrol o makuha nila noh? Nasa digital age na po tayo eh, ang dali na lang po talagang kunin yung mga impormasyon, marami sa atin ang nagulat nung hinack yung database ng COMELEC na ipinost online, lahat ng voters’ information ng bawat tao”, bahagi ng pahayag ni Reyes sa panayam ng DWIZ.

By Len Aguirre | Ratsada Balita (Interview)

Posibleng may plano ang China na lumikha ng artificial islands sa Scarborough Shoal para doon ilagay ang kanilang air at naval base katulad nila sa iba pang pinag-aagawang lugar sa South China Sea.

Ayon kay Supreme Court Associate Justice Antonio Carpio, ang Scarborough Shoal na ang pinakahuling shoal na puwedeng i-claim ng China at paglagyan ng panibagong air at naval base.

Kailangan aniya ng China ang Scarborough Shoal para bantayan ang exit ng Bashi Channel kung saan puwedeng dumaan ang mga Chinese submarines na nasa lalawigan ng Hainan.

Ipinaliwanag ni Carpio na upang umabot sa Amerika ang missile ng China, kailangan nila itong pakawalan sa Pacific at ang tanging exit na puwede nilang kunin ay ang Bashi Channel.

By Len Aguirre   

Aarangkada na sa Lunes, Mayo 15 ang pagdinig ng House Committee on Justice sa impeachment case laban kay Pangulong Rodrigo Duterte.

Ayon kay Congressman Rey Umali, chairman ng komite, nakapagpadala na siya ng notice sa lahat ng miyembro ng komite para sa pagdinig.

Una anya nilang aalamin kung tama ang balangkas o porma ng impeachment case bago busisiin kung mayroon itong sapat na basehan.

Ang impeachment complaint laban sa Pangulo ay inihain ni Magdalo Partylist Representative Gary Alejano.

Inakusahan ni Alejano ang Pangulo ng paglabag sa saligang batas, bribery, betrayal of public trust, graft and corruption at iba pang high crimes.

PAKINGGAN: Bahagi ng pahayag ni Congressman Rey Umali

Samantala, sinabi ni Umali na malabo pang dinggin ng komite ang impeachment case laban kay Vice President Leni Robredo dahil wala pa rin itong endorser hanggang sa kasalukuyan.

Ipinaliwanag ni Umali na mayroong sampung (10) session days ang Speaker of the House para ipadala sa committee ang justice ang reklamo laban kay Robredo.

PAKINGGAN: Bahagi ng pahayag ni Congressman Rey Umali

By   Len Aguirre | Karambola (Interview)