June 2026

Pursigido ang Pilipinas na makahikayat ng mas maraming  foreign investors upang maging bahagi ng ambisyosong infrastructure program  ng Duterte administration.

Ito, ayon kay Foreign Affairs Undersecretary for International Economic Affairs Manuel Antonio  Teehankee, ang unang ng international launching ng Build, Build, Build Program o Dutertenomics.

Sa pagharap ni Teehankee sa World Economic Forum sa Cambodia,  inihayag nito na nakatutok ang  economic agenda sa pagbuhos ng hanggang 8.2 trillion pesos upang mapondohan ang  mga infrastructure project sa susunod na anim (6) na taon kabilang ang  860.7 billion pesos na inilaan para sa mga malaking proyekto ngayong taon.

Kabilang anya sa mga nagpahayag ng interes ang China, Japan, South Korea, Malaysia at Singapore.

By Drew Nacino

Aabot na sa  757 trak ng basura ang nahakot ng Metropolitan Manila Development Authority  o MMDA sa mga estero at iba pang daluyan tubig sa Metro Manila sa loob lamang ng dalawang (2) buwan.

Ayon sa Flood Control and Sewerage Management Office ng MMDA, mula Marso 1 hanggang Mayo 6, nakakolekta na sila ng 5,250 cubic meters ng basura at burak mula sa mga  estero at open canal sa Maynila, Makati, Pasay, Malabon at Navotas.

Kaya nitong punuin ang dalawa’t kalahating olympic-size na swimming pool kung pagsasama-samahin.

Puspusan na rin ang MMDA sa   paglilinis sa mga estero bago  mag tag-ulan upang mabawasan ang  baha sa kalakhang Maynila.

Samantala,  muling ipina-alala ng MMDA sa mga residente sa flood control areas na maghanda bago ang tag-ulan.

By Drew Nacino

Ipinagtanggol ni Atty. Antonio “Tony” La Viña, dating dean ng Ateneo De Manila University (ADMU) School of Government ang pagkakatalaga sa political blogger na si Mocha o Margaux Justiniano Uson bilang Assistant Secretary ng the Presidential Communications Operations Office (PCOO).

Ayon kay La Viña,  walang masama  sa appointment kay  Mocha lalo’t mahusay ito sa social media na kanyang magagamit upang isulong ang agenda ni Pangulong Duterte.

Hindi naman anya ang mga ordinaryong mamamayan ang pagsisilbihan ni Mocha bagkus ay ang Pangulo ang kanyang tunay na pagsisilbihan bilang spokesperson.

Martes nang italaga ni Duterte si Uson sa PCOO dahilan upang magbitiw ito bilang  board member ng Movie and Television Review and Classification Board o MTRCB.

Gayunman, umaani ng batikos mula sa publiko lalo sa mga netizen ang pagkakatalaga sa dating sexy dancer.

By Drew Nacino

Nilinaw ng Commission on Elections o COMELEC na hindi basta-basta maaaring okupahin ang babakentihing pwesto ni Senador Alan Peter Cayetano makaraang italaga ito ni Pangulong Rodrigo Duterte bilang Foreign Affairs Secretary.

Ayon kay COMELEC Spokesman James Jimenez, bagaman dapat bakantehin ni Cayetano ang kanyang pwesto sa Senado, hindi naman ito nangangahulugan na uupo bilang bagong senador ang 13th placer sa Senatorial Race noong May 2016 Elections.

Sa ilalim anya ng batas ay dapat mag-issue ang Senado o Kamara ng resolusyong mag-se-sertipika na bakante ang pwesto at magpapatawag ng special election.

Gayunman, pagsisilbihan lamang ng mahahalal namang senador o miyembro ng Kamara ang nalalabing termino ng aalis na mambabatas.

Magugunitang hindi nakapasok si dating MMDA Chairman Francis Tolentino na lumagpak sa 13th place ng Senatorial Race noong nakaraang halalan matapos maungusan ng noo’y Justice Secretary na si Leila De Lima na pumasok naman sa 12th spot.

By Drew Nacino