Monthly Archives

June 2026

Environmental groups kay Cimatu: Ituloy ang mga reporma ni Lopez

*Palace Photo

May 12, 2017 0 comment

Senado dapat lumipat ng lokasyon—PHIVOLCS

May 12, 2017 0 comment

Pagpapadala ng mga OFW sa Middle East posibleng ipatigil

May 12, 2017 0 comment

Callamard dapat hayaang mag-imbestiga sa Pilipinas—UNHRC

May 12, 2017 0 comment

Duterte sa ASEAN: Makiisa sa kampanya vs. droga

*AP Photo

May 12, 2017 0 comment

Guidelines para sa pagbibigay ng libreng matrikula rerepasuhin

By: Jaymark Dagala

May 12, 2017 0 comment

National ID system malaking tulong kontra terorismo

By: Jaymark Dagala

May 12, 2017 0 comment

Kita ng STL lalong tumaas – DOJ

By: Jaymark Dagala

May 12, 2017 0 comment

Pagtatalaga ng mga retiradong opisyal ng militar at pulisya matagal nang gawain sa pamahalaan

By: Jaymark Dagala

May 12, 2017 0 comment

Seguridad ng bansa tiniyak ng Malacañang sa gitna ng mga banta

By: Jaymark Dagala

May 12, 2017 0 comment

June 2026

Nanawagan ang ilang environmental group kay bagong DENR o Department of Environment and Natural Resources Secretary Roy Cimatu na ituloy ang repormang sinimulan ni dating kalihim Gina Lopez.

Ito ay sa gitna ng pahayag ni Cimatu na papayagan nito ang responsible mining.

Ayon sa Green Thumb Coalition, panatilihin at palawigin pa ang mga repormang inilunsad ni Lopez partikular na ang pagpapasara at suspensyon na ipinataw nito sa ilang mining companies.

Hindi mapigilan ng grupo na mangamba lalo’t ang tono umano ni Cimatu ay tila pabor sa mga kumpanya ng minahan.

Kaugnay nito, handa umano ang grupo na kausapin si Cimatu upang kumbinsihin itong hindi baguhin ang ang naging kautusan ni Lopez.

By Rianne Briones

Pinayuhan ng PHIVOLCS o Philippine Institute Volcanology and Seismology ang Senado na lumipat ng lokasyon.

Sa pagdinig ng Senate Committee on Science and Technology, sinabi ni PHIVOLCS Director Renato Solidum na delikado ang kinatitirikan ng gusali ng Senado sa Roxas Boulevard sa Pasay dahil sa prone ito sa lindol at tsunami.

Aniya, posibleng magkaroon ng leadership vacuum sakaling tamaan ng sakuna ang Senado.

Kasabay nito, hinikayat ni Solidum ang iba pang sangay ng gobyerno na paghandaan ang pagtama ng malakas na lindol.

By Rianne Briones

Pinag-aaralan na ng DOLE o Department of Labor and Employment ang posibleng pagpapatigil sa pagpapadala ng mga manggagawang pinoy sa Middle East.

Ayon kay Labor Secretary Silvestre Bello III, ito ay dahil sa dami ng tinatanggap na reklamo ng pag-abuso at ilan pang labor maltreatment sa mga OFW o Overseas Filipino Workers partikular ang mga household workers.

Aniya, kung hindi man tuluyang ititigil ang pagpapadala ng mga OFW ay posible pa rin ang pagbawas sa bilang ng mga ipinapadalang manggagawa sa Gitnang Silangan.

Una nang tinukoy ng grupong Migrante Internatonal na higit limang libo (5,000) ang bilang ng mga distressed OFW sa Middle East habang sa Kuwait naman naitala ang pinakamaraming naabuso.

By Rianne Briones

Nanawagan ang working group ng Universal Periodic Review ng United Nations Human Rights Council sa pamahalaan na hayaan si UN Special Rapporteur on Extrajudicial Executions Agnes Callamard.

Ito’y para imbestigahan ang mga nangyayaring patayan o ang mga di umano’y EJK o Extra Judicial Killings sa bansa sa ilalim ng war on drugs ng administrasyong Duterte.

Ang nasabing panawagan ay hinango ng working group sa rekumendasyon ng mga bansang miyembro ng United Nations sa kasagsagan ng diyalogo sa pagitan ng human rights council at ng delegasyon ng Pilipinas.

Dahil dito, sinabi ng working group ng Universal Periodic Review na dapat imbitahan si Dr. Callamard sa lalong madaling panahon upang maging opisyal ang kanyang pagbisita sa Pilipinas nang walang kondisyon alinsunod sa itinatadhana ng UN Terms of Reference.

By Jaymark Dagala

Nasa Hong Kong na ngayon si Pangulong Rodrigo Duterte upang bisitahin ang mga kababayang Pilipino sa nasabing bansa.

Ito’y bago tumulak ang Pangulo sa Beijing, China para naman dumalo sa Belt and Road Forum for International Cooperation gayundin ang pagsisimula ng bilateral talks sa pagitan ng Pilipinas at China sa territorial dispute sa West Philippine Sea.

Una rito, hinimok ni Pangulong Duterte ang mga bansang kasapi ng ASEAN o Association of Southeast Asian Nations na mamuhunan sa mga kabataan at dapat magkaisa ang lahat ng bansa sa kampaniya kontra sa iligal na droga

Sa pagbubukas ng WEF o World Economic Forum on ASEAN sa Cambodia, iginiit ng Pangulo na tanging sa isang lipunang malaya mula sa iligal na droga tunay na makakamit ang ganap na kaunlaran at kapayapaan.

By Jaymark Dagala

Rerepasuhin ng CHED o Commission on Higher Education ang guidelines para sa pagpapatupad ng libreng matrikula para sa mga SUC’S o State Universities and Colleges sa bansa.

Ito’y bilang tugon sa panawagan ng iba’t ibang grupo ng mga kabataan na gawing simple ang pinag-isang panuntunan na inilabas ng komisyon at ng DBM o Department of Budget and Management.

Sa ilalim kasi ng nasabing kautusan, sasalaing maigi ng pamahalaan ang mga gagawaran ng libreng edukasyon para sa mga mag-aaral sa mga SUC’S dahil limitado lamang ang pondo para rito.

Ayon kay CHED Commissioner Prospero De Vera, bagama’t wala silang deadline kung kailan ilalabas ang revised guidelines, tiyak naman aniyang mailalabas ito bago ang pasukan sa susunod na buwan.

Tiwala ang isang mambabatas na malaki ang maitutulong ng pagpapatupad ng National ID System sa paglaban ng pamahalaan sa terorismo.

Ayon kay Compostela Valley 2nd District Rep. Ruel Gonzaga, sa pamamagitan aniya ng National ID ay mapapadali na ang pagkilala sa mga hindi pamilyar na tao na papasok sa isang komunidad.

Madali na rin aniyang mati-trace at maiwasan ang mga terorista lalo’t centralized na ang pagkalap ng impormasyon ng bawat isang indibiduwal.

Una nang nakalusot sa committee level sa Kamara ang nasabing panukala na limang kongreso nang inihahain ngunit bigo pa ring maipasa ng mga mambabatas.

Kumpiyansa ang DOJ o Department of Justice na lalo pang tataas ang remittance rate ng kita mula sa STL o Small Town Lottery ng PCSO o Philippine Charity Sweepstakes Office.

Ito’y makaraang i-anunsyo ng DOJ na lalong dumarami na ang mga lugar na nagre-remit ng kanilang kita mula sa STL na pumalo sa 56 mula sa dating 18 lugar lamang.

Ayon kay Justice Secretary Vitaliano Aguirre, indikasyon lamang ito na tumatalima na ang mga STL operator sa pahayag ni Pangulong Rodrigo Duterte na tanggalin ang mga iligal na sugal tulad ng jueteng.

Nakasaad sa inilabas na Executive Order Number 13 ni Pangulong Duterte, tanging ang PCSO lamang aniya ang binibigyan ng kapangyarihan ng pamahalaan na magpatakbo ng numbers game.

Tiwala si Senador Francis Escudero na balanse ang komposisyon ngayon ng gabinete ni Pangulong Rodrigo Duterte kumpara sa mga nakalipas na administrasyon.

Ito’y sa harap na rin ng pagpuna ng ilang grupo sa tila militarisasyon sa gabinete dahil sa pawang mga retirado at kasalukuyang heneral ang itinatalaga sa mga kagawaran.

Ayon kay Escudero, wala siyang nakikitang masama sa pagtatalaga ng Pangulo sa mga dating opisyal ng militar at pulisya sa iba’t ibang puwesto sa gubyerno.

Matagal na aniya itong ginagawa ng mga nakalipas na administrasyon ngunit ang pinagkaiba lamang ngayon ay kasama na rin ang mga maka-kaliwa sa pamamahala sa bayan.

Muling umapela sa publiko ang Malakaniyang na laging maging mapagmatyag at ugaliing makipagtulungan sa mga awtoridad.

Inihayag ito ng Palasyo sa harap na rin ng banta ng seguridad sa lalawigan ng Palawan makaraang maglabas ng abiso ang iba’t ibang bansa tulad ng Amerika, United Kingdom, Australia at Canada sa kanilng mga mamamayan.

Ayon kay Presidential Spokesman Ernesto Abella, kontrolado ng pamahalaan ang sitwasyon upang masiguro ang kaligtasan ng bawat mamamayan maging Pilipino man o dayuhan.

Kasunod nito, sinabi ni Abella na nagtaas na ng heightened alert status ang AFP Western Command at nakikipag-ugnayan na ito sa iba’t ibang ahensya ng pamahalaan.