LATEST NEWS

Monthly Archives

June 2026

Mindanao naka-heightened alert na matapos ang inilabas na travel advisory ng US at UK

written by DWIZ 882

Naka-heightened alert na ang Eastern Mindanao Command matapos ang inilabas na travel advisory ng Estados Unidos at Britanya sa kanilang mga mamamayan na nagbababala sa pagbiyahe sa Palawan dahil sa posibilidad na dukutin ang mga ito ng mga terorista.

Ayon kay AFP-Eastmincom Spokesperson, Maj. Ezra Balagtey, bagaman sa Palawan lamang inilabas ang advisory, itinaas pa rin nila ang kanilang alerto sa Eastern Mindanao dahil hindi nila maisasantabi ang posibilidad na lumipat sa kanilang lugar ang mga terror group.

Tiniyak naman ni Balagtey na patuloy ang security measures ng Eastmincom katuwang ang PNP, local government units at iba pang law enforcement agencies.

Kasabay nito, hinikayat din ng Eastmincom ang publiko na manatiling mapagmatyag, kalmado at ipagbigay alam agad sa mga otoridad ang mga kahina-hinalang indibidwal o mga aktibidad na kanilang mapapansin sa lugar.

By Drew Nacino |With Report from Jonathan Andal

May 12, 2017 0 comment

INTERNATIONAL NEWS

Lawak ng impluwensya ng China ramdam na sa iba’t ibang panig ng mundo

written by DWIZ 882

china flag

Ramdam na sa apat na sulok ng mundo ang lawak ng impluwensya ng China.

Kasabay ito ng ilalargang grand economic plan para sa mundo na tinatawag na “One Belt, One Road” Policy iniative simula sa Linggo hanggang Lunes kung saan dalawampu’t walong (28) Heads of State at iba pang pangunahing opisyal mula sa mahigit animnapung (60) bansa ang dadalo.

Dahil dito, posibleng magkaroon ng bagong global economic order o mabago ang sistema ng kalakalan sa mundo na dominado ng Amerika.

Ayon kay David Coats, director ng US National Intelligence, ang nasabing summit ay isa lamang sa mga hakbang ng Tsina upang maging isang global superpower.

Sa ngayon anya ay ramdam na saan mang sulok ng mundo ang impluwensya ng China sa aspeto ng ekonomiya, kultura, edukasyon at sandatahang lakas gaya sa Africa, Middle East, Pakistan at South America.

By Drew Nacino

May 12, 2017 0 comment

Yaman ni Pangulong Duterte lumago sa loob lamang ng 6 na buwan

written by DWIZ 882

DUTERTE NAKA POLO

Lumago ang yaman ni Pangulong Rodrigo Duterte sa unang anim (6) na buwan nito bilang pinaka-mataas na government official, batay sa kanyang 2016 Statement of Assets, Liabilities and Networth o SALN.

Sa pinaka-huling SALN ng Pangulo, umabot sa 27.4 million pesos ang idineklara nitong total assets kumpara sa 24 million pesos noong June 2016.

Mayroon namang 1 million peso total liabilities ang Punong Ehekutibo dahil sa personal loan mula sa isang Samuel Uy.

Kabilang si Uy sa 2016 Statement of Election Contributions and Expenditures ni Duterte bilang kanyang contributor na nag-donate ng 30 million pesos sa kanyang Presidential bid.

Aabot naman sa 18.4 million pesos as of December 31, 2016 ang cash-on-hand ng Pangulo kumpara sa cash-on-hand na 15.3 million pesos noong June 2016.

Ilang properties din sa Davao City ang idineklara ng Pangulo at mga sasakyang volkswagen sedan na nabili noong 1978 at Toyota Rav 4 noong 1996.

By Drew Nacino |With Report from Jill Resontoc

May 12, 2017 0 comment

MMA Fighter McGregor binigyan ng 1 linggo para makapaglatag ng mga kondisyon sa ikinakasang laban kay Mayweather Jr

written by DWIZ 882

MMA Fighter Conor Mcgregor

Binigyan ni UFC President Dana White ang kampo ni Conor Mcgregor ng hanggang linggo, para pagpasyahan ang kanyang mga inilatag na alituntunin para mapagbigyan ang laban kontra Floyd Mayweather Jr.

Sinabi ni White na kapag naplantsa na ang lahat sa kampo ni Mcgregor ay saka siya makikipag usap sa kampo ni Mayweather.

Hindi na aniya siya papayag na humaba pa ang negosyasyon para sa naturang laban na una na niyang inihalintulad sa isang bangungot.

Sa kabila ng kahandaang mamagitan sa dalawa, sinabi ni White na hindi siya magbibigay ng garantiyang magiging mabunga at mangyayari ang naturang laban.

By Katrina Valle

May 12, 2017 0 comment

Problema sa trapiko sa Metro Manila matagal na sanang nalutas – NEDA Sec.

written by DWIZ 882

Ernesto Pernia 1

Matagal na sanang nalutas ang problema sa trapiko sa Metro Manila kung hindi agad naantala ang mga proyektong sinimulan ng mga nakalipas na administrasyon.

Ayon kay National Economic Development Authority (NEDA) Secretary-General Ernesto Pernia, maraming project ang hindi itinuloy ng nakaraang administrasyon kaya’t maraming magagandang proyekto ang natengga.

Sa ilalim anya ng Duterte administration, itinutuloy ang mga proyekto basta’t makabubuti sa taumbayan.

Ginawang halimbawa ni Pernia ang NLEX at SLEX na matagal natapos dahil hindi ito itinuloy ng mga nagdaang administrasyon.

Kung nagawa anya ang mga ito ng mas maaga ay hindi na sana nararanasan sa ngayon ang matinding traffic sa Metro Manila.

By Drew Nacino |With Report from Aileen Taliping

May 12, 2017 0 comment

Napoles tiyak na sasabihin kahit ano para maisalba lang ang sarili – Pangilinan

written by DWIZ 882

Tiyak na sasabihin kahit ano ng tinaguriang Pork Barrel Fund Scam Queen na si Janet Napoles para maisalba lamang ang sarili.

Ito ang reaksyon ni Senador Kiko Pangilinan sa ulat na papangalanan ni Napoles lahat ng government official na sangkot sa PDAF scam kabilang na ang isang opisyal sa nakaraang administrasyon na mataas ang posisyon kaysa mambabatas.

Ayon kay Pangilinan, umaasa sila na hindi papayagan ng Korte na maging state witness si Napoles gayong ito ang may pinaka-malaking nakulimbat sa pork barrel fund kumpara sa mga mambabatas na kanyang mga nakasabwat.

Iginiit ng senador na magiging katawa-tawa ang sistema ng hustisya sa oras na gawing state witness at ipawalang sala si Napoles.

By Drew Nacino |With Report from Cely Bueno

May 12, 2017 0 comment

Hotline ng DOLE pinutakte ng mga reklamo simula ng ipatupad ang EO174

written by DWIZ 882

Pinutakte ng mga reklamo ang Hotline 1349 ng Department of Labor and Employment o DOLE simula nang ipatupad ang Executive Order 174.

Umabot na sa sampung libong (10,000) sumbong o reklamo ang tinanggap ng hotline sa nakalipas na buwan.

Kabilang sa tinugunang reklamo ng DOLE ay may kaugnayan sa Security of Tenure ng mga manggagawa, hindi naibibigay na 13th month pay at night differential.

Mahigit pitong libong (7,000) sumbong at nasa labindalawang libong (12,000) tanong na ang sinagot ng kagawaran.

Layunin ng paglulunsad ng hotline na ilapit sa taumbayan ang serbisyo at programa ng gobyerno.

By Drew Nacino |With Report from Aya Yupangco

May 12, 2017 0 comment

Isa sa mga commander ng NPA timbog sa Misamis Occidental

written by DWIZ 882

OZAMIZ CITY MISAMIS OCCIDENTAL

Timbog ang isa sa mga commander ng New People’s Army o NPA sa Ozamiz City, Misamis Occidental.

Kinilala ang NPA Commander na si Rommel Salinas, na naka-base sa Western Mindanao at gumagamit ng maraming alyas gaya ng Mark at Domeng na nahulihan din ng isang granada.

Ayon kay Brig. Gen. Rolando Joselito Bautista, commander ng 4th Infantry Division, inaresto si Salinas sa bisa ng limang (5) warrants of arrest sa kasong murder, frustrated murder at robbery.

Si Salinas ang secretary ng Sekong-Sendong Western Mindanao Regional Party Committee sa Barangay Gango ay nadakip ng pinagsanib na pwersa ng Philippine National Police (PNP) at Armed Forces of the Philippines (AFP).

Malaking dagok anya sa rebeldeng grupo ang pagkaka-aresto kay Salinas na nagsisilbing front secretary ng NPA at sangkot sa iba’t ibang insidente ng arson, extortion, murder at abduction sa Mindanao.

By Drew Nacino |With Report from Jonathan Andal

May 12, 2017 0 comment

INTERNATIONAL NEWS

Pope Francis hinihintay na ng daan-daang libong deboto sa Portugal

written by DWIZ 882

VATICAN-POPE-AUDIENCE

Hinihintay na ng daan-daang libong deboto at pilgrim ang pagdating ni Pope Francis para sa ika-100 anibersaryo ng aparisyon ng birhen ng Fatima sa Portugal.

Inaasahang aabot sa mahigit isang milyon ang bilang ng mga daragsang deboto mula sa iba’t ibang bansa gaya ng Pilipinas, Mexico, Venezuela, Brazil, China at South Korea.

Bantay-sarado na rin ng mga otoridad ang mga lugar na pagdarausan ng mga aktibidad partikular ang mga pupuntahan ng Santo Papa.

Sinasabing anim na beses nagpakita ang birhen sa bayan ng Fatima sa pagitan ng Mayo at Oktubre taong 1917 sa tatlong mahihirap na batang pastor na sina Jacinta, 7 taon, kapatid nitong si Francisco, 9 na taon at kanilang pinsang si Lucia, 10 taon.

Nakatakdang i-canonize o gawing santo at santa ni Pope Francis sina Francisco at Jacinta kasabay ng 100 anibersaryo.

Tatlong pangunahing rebelasyon ang ipinakita ng birhen sa tatlong paslit kabilang ang babala ng pagkakaroon ng World War 2 at pamamayagpag ng “Communist Russia” sa mundo.

By Drew Nacino

May 12, 2017 0 comment

Spurs pasok na rin sa NBA Western Conference Finals

written by DWIZ 882

Lamarcus Aldridge

Pasok na rin sa Western Conference Finals ng NBA ang San Antonio Spurs.

Winalis ng Spurs ang Houston Rockets sa Game 6 ng kanilang Best of Seven Series sa Western Conference Semi-Finals at nilumpo sa score na 114-75.

Hindi nakapalag ang Rockets sa kabila ng kanilang Homecourt advantage dahil sa matinding opensang ipinamalas ng Spurs sa pangunguna ni Lamarcus Aldridge na nagpakawala ng double-double 34 points at 12 rebounds.

Wala ring nagawa ang ini-ambag na 20 points ni Trevor Ariza at Season Low na 10 points ni James Harden upang makabawi ang Houston.

Makakaharap ng Spurs sa Conference Finals ang Golden State Warriors sa Homecourt nito sa Oracle Arena, Oakland, California, sa Lunes.

By Drew Nacino

May 12, 2017 0 comment

Newer Posts

Older Posts