LATEST NEWS

Dumalong complainant sa unang pagdinig ng ‘Missing Sabungeros’ case sa Kyusi, dalawa lang
Dating Congressman Mike Defensor, handa sa reklamong ihahain laban sa kanya ng NBI
Pre-trial order para sa impeachment case laban kay Vice President Sara Duterte, ilalabas sa Lunes – Impeachment Court Clerk
LACSON: PROSEKUSYON, DEPENSA DAPAT IWAS-KOMENTO SA MERITO NG IMPEACHMENT CASE NI VP SARA
EARTHQUAKE SWARM, NAITALA SA PANGASINAN
Panibagong rollback sa presyo ng langis, posible sa susunod na linggo
OMBUDSMAN PINASASAGOT SINA CAYETANO, PADILLA, APLASCA SA OBSTRUCTION COMPLAINT
Congressman Mark Santos, pinagpapaliwanag ang Villar Group sa pagkaantala ng LRT-1 Cavite Extension Project
Nasawing estudyante na itinuturing na bayani ng Tacloban school shooting, pinarangalan ng Pampanga LGU
Coach Tab Baldwin, isa umanong “very good coach,” ayon kay Coach Chot Reyes

Monthly Archives

June 2026

Ilulunsad na 2 araw na transport strike ng NCTU kasado na

written by DWIZ 882

Plantsado na ang ilulunsad na dalawang araw tigil pasada ng NCTU o National Confederation of Transport Workers’ Union sa susunod na linggo.

Ayon kay NCTU Chairman Ernie Cruz, layon ng nasabing transport strike na iparating sa pamahalaan ang pagtutol nila sa Traffic Crisis Act of 2016 kung saan ay nakapaloob umano ang pag-phase out sa mga pampasaherong dyip na may edad 15 taon pataas.

Umaasa si Cruz na makikiisa sa kanilang gagawing dalawang araw na tigil-pasada ang iba pang transport group sa bansa.

By: Meann Tanbio

May 19, 2017 0 comment

Deliberasyon para sa susunod na AFP Chief of Staff sinisimulan na

written by DWIZ 882

Sinimulan na ng AFP Board of Generals ang deliberasyon para sa susunod na Chief of Staff.

Kasunod ito ng early retirement sa susunod na buwan ni AFP Chief of Staff Gen Eduardo Año para makaupo na agad sa bagong nitong pwesto bilang kalihim ng DILG.

Ipinabatid ni AFP Public Affairs Office Chief Col Edgard Arevalo na lahat ng major service commanders ay kasama sa maaaring pagpilian para sa Chief of Staff mula sa ranggong colonel.

Gagawa ang AFP Board of Generals ng shortlist na ipapasa sa Pangulo, na siya namang pipili ng bagong hepe ng militar.

Sa ngayon, ayon kay Arevalo, naghahanda na ang AFP para sa change of command ceremony sa Hunyo.

By: Meann Tanbio / Jonathan Andal

May 19, 2017 0 comment

Sen. Aquino nanawagan na gawing malinaw ang sinusulong sa independent foreign policy

written by DWIZ 882

Umapela si Senador Bam Aquino sa pamahalaan na maging bukas at malinaw sa isinusulong nitong Independent Foreign Policy, lalo na sa pakikipag-ugnayan sa ibang bansa pagdating sa mga tulong at loan, at sa posisyon nito ukol sa militarisasyon ng mga teritoryo ng Pilipinas.

Ginawa ni Aquino ang naturang apela kasunod ng pahayag ng pamahalaan na hindi na ito tatanggap ng development aid mula sa European Union.

Ayon pa sa Senador, kailangang malinaw ang direksyon ng foreign policy dahil may direktang maaapektuhan, lalo na sa trabaho, negosyo at presyo ng bilihin.

By: Meann Tanbio / Cely Bueno

May 19, 2017 0 comment

Pagkawala ng foreign aid ng EU sa PH bahagi ng independent policy ng bansa – Sen. Gatchalian

written by DWIZ 882

Kumbinsido si Senador Sherwin Gatchalian na ang pagkawala ng halos P13 Bilyong Piso na foreign aid mula sa European union ay bahagi at resulta ng isinusulong na independent foreign at economic policy.

Gayunman, sinabi ni Gatchalian, Chairman ng Senate Committee on Economic Affairs, na hindi ito nangangahulugan na sisirain na ang matagal ng economic ties sa European Union.

Dapat aniyang patuloy pa ring magkaroon ng magandang trade relations sa alinmang bansa o regional organization na handang makipagkalakalan ng patas sa bansa.

Sa panig naman ni Senador Panfilo Lacson, sinabi nito na ang hakbang ng Pangulo ay pagpapakita at pagdedeklara ng independence mula sa impluwensya ng western countries tulad ng U.S. at E.U.

By: Meann Tanbio / Cely Bueno

May 19, 2017 0 comment

Palasyo tiwalang kayang sumulong ang bansa kahit walang tulong mula sa EU

written by DWIZ 882

Tiwala ang Malakanyang na kayang tumindig at sumulong ang Pilipinas kahit wala ang tulong mula sa European Union.

Tugon ito ng Palasyo sa naging desisyon ng gobyerno na huwag nang tumanggap ng grant sa e.u. kung ang kapalit naman nito ay panghihimasok sa panloob na usapin ng Pilipinas.

Sinabi ni Presidential Spokesman Ernesto Abella na kailangang magkaroon ng kumpiyansa sa sarili at sa halip ay iwasan ang mentalidad na tila nagmumukhang pulubi ang mga Pilipino sa ibang bansa.

Nakikita naman aniya ng publiko ang performance ni Pangulong Rodrigo Duterte sa nakalipas na sampung buwan kung saan mabilis ang paglago ng ekonomiya.

Sa katunayan, ayon kay Abella, ang Pilipinas na ang ikalawang pinakamabilis na paglago sa Asya.

Binigyang-diin ng kalihim na hindi binalewala ng gobyerno ang mga tulong na naibigay ng E.U., subalit tingnan aniya kung paano ngayon umarangkada ang pag-unlad sa bansa.

By: Meann Tanbio / Aileen Taliping

May 19, 2017 0 comment

NCRPO nagsagawa ng balasahan sa mga hepe ng pulisya

written by DWIZ 882

Ipinatupad na ang balasahan sa hanay ng mga hepe ng pulisya sa ilang siyudad ng Metro Manila.

Ayon kay NCRPO Chief Police Director Oscar Albayalde, bahagi ito ng tinatawag nilang career advancement ng kanilang mga tauhan kung saan ang ilan ay na-promote, habang iba ay nagretiro kaya nabakante ang ilang pwesto

Epektibo simula kahapon, bago na ang hepe ng pulisya sa Taguig, Navotas, Muntinlupa, San Juan at Pasay City.

Sa kabuuan, pitong opisyal sa Metro Manila ang binalasa ng NCRPO.

By: Meann Tanbio / Jonathan Andal

May 19, 2017 0 comment

Ilang miyembro ng gabinete Ikukunsidera nang na-bypass ng CA

written by DWIZ 882

Ikukunsidera nang na-bypass ang mga miyembro ng gabinete na hindi pa nakalulusot sa Commission on Appontments.

Ipinaliwanag ni Senate Majority Floorleader Vicente “tito” Sotto III na wala na silang ii-iskedyul na isasalang sa confirmation hearing hanggang sa mag-adjourn sine die na ang sesyon ng Kongreso sa unang linggo ng Hunyo.

Ito’y habang hindi pa naisasagawa ang kahilingan na irepaso ang bagong rules ng CA ukol sa secret voting matapos makitang hindi maganda sa naturang sistema.

Ayon kay Sotto, ang tangi nilang ii-iskedyul para sa kumpirmasyon bago mag-adjourn ang sesyon ay ang mga military officers dahil hindi naman inia-apply sa mga ito ang secret voting.

Kabilang sa mga maba-bypass ay sina Health Secretary Paulyn Ubial, Agrarian Reform Secretary Rafael Mariano at DSWD Secretary Judy Taguiwalo.

Kinansela na ang naka-iskedyul sanang pagsasalang sa confirmation hearing ni Secretary Mariano sa susunod na linggo.

By: Meann Tanbio / Cely Bueno

May 19, 2017 0 comment

Sen. Trillanes may mensahe kay Pres. Duterte hinggil sa foreign aid sa bansa

written by DWIZ 882

Naniniwala si Senador Antonio Trillanes IV na dapat ay maging mapagpasalamat si Pangulong Rodrigo Duterte sa mga bansang nagbibigay sa Pilipinas ng ayuda, sa halip na magpakita ng galit at pagiging arogante.

Reaksyon ito ni Trillanes sa naging pasya ng Pangulo na tanggihan na ang ibinibigay na foreign aid ng European Union sa bansa kasunod ng pagbatikos o ng E.U. sa war on drugs ng administrasyong Duterte.

Iginit ni Trillanes na isa na naman itong walang ingat o walang pakundangang pasya ng Pangulo.

Idinagdag pa ng Senador na sa halip na magalit, dapat magpasalamat at matuwa ang Pangulo na may mga bansang nagbibigay ng ayuda sa Pilipinas para makatulong sa mga naghihirap na Pilipino.

By: Meann Tanbio / Cely Bueno

May 19, 2017 0 comment

Mga aspirants para sa posisyon ng Special Prosecutor sa Ombudsman isasalang sa public interview

written by DWIZ 882

Nakatakdang sumalang sa public interview ng JBC o Judicial And Bar Council sa Mayo 24 ang sampung indibidwal na nagsumite ng aplikasyon para sa posisyon ng Special Prosecutor ng Office of the Ombudsman.

Sa listahan ng JBC, kasama sa mga aspirante sina dating Sandiganbayan Presiding Edilberto Sandoval; Makati City Regional Trial Court Judge Benjamin Pozon; Acting Ombudsman Special Prosecutor omar Sagadal; Mandaue RTC Judge Ferdinand Rafanan; at Polytechnic University of The Philippines Law Professor Arnold Bayobay.

Aplikante rin para sa posisyon sina dating Ombudsman Mindanao Lawyer Eusebio Avila, dating Ombudsman Prosecution Bureau Director Diosdado Calonge, at mga abugado na sina Francisco Alan Molina, Raymundo Julio Olaguer, at Vernand Quijano.

Ang mapipiling aplikante ni Pangulong Duterte mula sa shortlist na isusumite ng JBC ay magsisilbi sa pwesto sa loob ng pitong taon.

Samantalang papalitan naman nito si Special Prosecutor Wendell Barreras-Sulit na nagretiro nuong Marso 11.

By: Meann Tanbio / Bert Mozo

May 19, 2017 0 comment

BIR nagsumite ng counter affidavit laban sa Mighty Corporation

written by DWIZ 882

Nagsumite na ang BIR o Bureau of Internal Revenue ng tugon sa counter affidavit na inihain ng Mighty Corporation kaugnay sa kinakaharap nilang P9.5 billion tax evasion case sa Department of Justice.

Binigyan naman ng pagkakataon ng mga piskal ang Mighty Corporation na sumagot sa reply affidavit ng BIR sa nasabing tax evasion complaint laban sa kanila dahil sa umano’y hindi nabayarang excise tax ng kumpanya.

Itinakda ng DOJ ang pagsusumite ng Mighty Corporation ng rejoinder sa Mayo 30.

By: Meann Tanbio / Bert Mozo

May 19, 2017 0 comment

Newer Posts

Older Posts