LATEST NEWS

Monthly Archives

June 2026

Dating Sen. Cayetano nanumpa na kay Pangulong Duterte bilang bagong DFA Secretary

written by DWIZ 882

Nanumpa na si dating Senador Alan Peter Cayetano kay Pangulong Rodrigo Duterte bilang bagong kalihim ng Department of Foreign Affairs o DFA.

Ginanap ang oath taking ceremony sa Presidential Guest House sa Panacan, Davao City noong Huwebes, Mayo 18.

Matapos makumpirma si Cayetano sa Commission on Appointments (CA), nagtungo siya sa Davao kasama ang kanyang pamilya para manumpa sa harap ng Pangulo.

Kasama ng kalihim ang asawang si Taguig City Mayor Lano Cayetano, Senador Pia Cayetano at film director Lino Cayetano.

By Meann Tanbio | With Report from Aileen Taliping

May 18, 2017 0 comment

EO na nagtatakda ng nationwide smoking ban nilagdaan na ni Pangulong Duterte

written by DWIZ 882

EO SMOKING BAN CUT

Pirmado na ni Pangulong Rodrigo Duterte ang Executive Order o EO na nagtatakda ng nationwide smoking ban sa mga pampublikong lugar.

Ayon sa Office of the Executive Secretary, nilagdaan ni Pangulong Duterte ang EO Number 26 noong Mayo 16.

Kaugnay nito, sinabi ni health secretary Paulyn Ubial na napapanahon ang paglagda sa EO dahil ipagdiriwang “World No Tobacco Day” sa Mayo 31.

By Meann Tanbio | With Report from Aileen Taliping

May 18, 2017 0 comment

Marine Lt. Col. Ferdinand Marcelino laya na

written by DWIZ 882

Col Ferdinand Marcelino, sumailalim sa medical examination sa Camp Aguinaldo, ilang minuto matapos itong palayain ng korte BY JONATHAN ANDAL

Laya na si Marine Lt. Col. Ferdinand Marcelino matapos bawiin ng Department of Justice o DOJ ang paghaharap ng mga kasong may kinalaman sa conspiracy, manufacture at possession of illegal drugs laban sa kanya at Chinese interpreter na si Yan Yi Shou.

Pasado alas-5:00 ng hapon ng Huwebes nang makalabas si Marcelino mula sa detention cell ng Intelligence Service ng Armed Forces of the Philippines (AFP) sa Camp Aguinaldo.

Mismong si PAO o Public Attorney’s Office Chief Percida Acosta ang naghatid ng release order ng Korte sa kampo at siyang nagsundo kay Marcelino.

Emosyonal namang humarap sa media si Marcelino.

Aniya, pinapatawad niya ang mga operatiba na humuli at nagpakulong sa kanya.

Naniniwala si Marcelino na walang mali sa naging desisyon ng DOJ makaraan siyang absweltuhin sa kaso.

Ngayong laya na, maaari nang makabalik sa military service si Marcelino lalo’t aktibo pa siyang miyembro ng Philippine Marines.

By Meann Tanbio | With Report from Jonathan Andal

May 18, 2017 0 comment

Duterte dapat magpasalamat sa mga nagbibigay ng ayuda sa halip na magpakita ng pagiging arogante

written by DWIZ 882

Naniniwala si Senador Antonio Trillanes IV na dapat ay maging mapagpasalamat si Pangulong Rodrigo Duterte sa mga bansang nagbibigay sa Pilipinas ng ayuda, sa halip na magpakita ng galit at pagiging arogante.

Reaksyon ito ni Trillanes sa naging pasya ng Pangulo na tanggihan na ang ibinibigay na foreign aid ng European Union o EU sa bansa kasunod ng pagbatikos nito sa war on drugs ng administrasyong Duterte.

Iginit ni Trillanes na isa na naman itong walang ingat o walang pakundangang pasya ng Pangulo.

Idinagdag pa ng senador na sa halip na magalit, dapat magpasalamat at matuwa ang Pangulo na may mga bansang nagbibigay ng ayuda sa Pilipinas para makatulong sa mga naghihirap na Pilipino.

By Meann Tanbio | With Report from Cely Bueno

May 18, 2017 0 comment

Mga aplikante para sa special prosecutor isasalang na sa public interview

written by DWIZ 882

Nakatakdang sumalang sa public interview ng JBC o Judicial and Bar Council sa Mayo 24 ang sampung (10) indibidwal na nagsumite ng aplikasyon para sa posisyon ng special prosecutor ng Office of the Ombudsman.

Sa listahan ng JBC, kasama sa mga aspirante sina dating Sandiganbayan Presiding Edilberto Sandoval; Makati City Regional Trial Court Judge Benjamin Pozon; Acting Ombudsman Special Prosecutor Omar Sagadal; Mandaue Regional Trial Court Judge Ferdinand Rafanan; at Polytechnic University of the Philippines Law Professor Arnold Bayobay.

Aplikante rin para sa posisyon sina: dating Ombudsman Mindanao Lawyer Eusebio Avila, dating Ombudsman Prosecution Bureau Director Diosdado Calonge, at mga abugado na sina Francisco Alan Molina, Raymundo Julio Olaguer, at Vernand Quijano.

Ang mapipiling aplikante ni Pangulong Duterte mula sa shortlist na isusumite ng JBC ay magsisilbi sa pwesto sa loob ng pitong (7) taon.

Samantalang papalitan naman nito si Special Prosecutor Wendell Barreras-Sulit na nagretiro noong Marso 11.

By Meann Tanbio | With Report from Bert Mozo

May 18, 2017 0 comment

BIR nagsumite na ng tugon sa counter affidavit ng Mighty Corporation

written by DWIZ 882

Nagsumite na ang BIR o Bureau of Internal Revenue ng tugon sa counter affidavit na inihain ng Mighty Corporation kaugnay sa kinakaharap nilang P9.5 billion tax evasion case sa Department of Justice (DOJ).

Binigyan naman ng pagkakataon ng mga piskal ang Mighty Corporation na sumagot sa reply affidavit ng BIR sa nasabing tax evasion complaint laban sa kanila dahil sa umano’y hindi nabayarang excise tax ng kumpanya.

Itinakda ng DOJ ang pagsusumite ng Mighty Corporation ng rejoinder sa Mayo 30.

By Meann Tanbio | With Report from Bert Mozo

May 18, 2017 0 comment

Warriors Head Coach Steve Kerr sasama sa biyahe ng koponan sa San Antonio

written by DWIZ 882

Sasama sa biyahe ng Golden State Warriors patungong San Antonio ang kanilang Head Coach na si Steve Kerr para sa dalawang sunod na NBA Playoffs.

Ito ang kinumpirma ni Warriors General Manager Bob Mayers.

Matatandaang matagal ding hindi nakasama ng Warriors sa kanilang mga laro si Kerr dahil sa naranasan nitong komplikasyon sa back injury nito noong 2015.

Humalili naman kay Kerr sa mga panahong iyon si Assistant Coach Mike Brown kung saan ay nanalo ang Warriors ng walong magkakasunod na laro.

By Ralph Obina

May 18, 2017 0 comment

Cavs winalis ang Celtics sa Game 1 ng NBA Eastern Conference Finals

written by DWIZ 882

lebron james 2

Winalis ng defending champion Cleveland Cavaliers ang kalabang Boston Celtics sa Game 1 ng NBA Eastern Conference Finals.

Tinambakan ng Cavs ang Celtics sa iskor na 117 – 104. Tulad ng inaasahan nanguna pa rin sa tagumpay ng Cavs si Lebron James na nakasikwat ng tatlumput walong (38) oras.

Matatandaang una nang pinataob ng Cavs ang Indiana Pacers sa First Round at isinunod namang talunin ang Toronto Raptors sa Semifinals.

By Ralph Obina

May 18, 2017 0 comment

INTERNATIONAL NEWS

Brazilian President itinanggi ang alegasyong panunuhol sa mga testigo

written by DWIZ 882

Brazilian President Michael Temer

Mariing itinanggi ni Brazilian President Michel Temer ang alegasyon ng panunuhol umano nito sa mga testigo ukol sa kinasasangkutan umano nitong katiwalian.

Inamin ni Temer na nakipagkita siya kay Joesley Batista na chairman ng Meatpacker JBS S.A. ngunit hindi para suhulan ito.

Binigyang diin ng Pangulo ng Brazil na ang kanyang pakikipag-usap kay Batista ay hindi aniya dahilan para makompromiso ang kilos niya bilang Pangulo.

Batay sa mga ipinaparatang kay Temer, sinuhulan umano nito si Batista para mapakulong si dating House Speaker Eduardo Cunha dahil sa kaso ng kurapsyon, money laundering at tax evasion.

By Ralph Obina

May 18, 2017 0 comment

Panukalang 4-day work week hindi makaka-apekto sa sahod ng empleyado

written by DWIZ 882

bello-0907

Tiniyak ni Labor Secretary Silvestre Bello III na hindi maaapektuhan ang sahod ng mga empleyado sakaling maisabatas ang panukalang Four-Day Work Week.

Sa ilalim ng House Bill 5068 o Four-Day Work Week, mananatiling nasa walumput walong (88) oras ang oras sa trabaho ng isang empleyado nguynit ito ay idi-distribute lamang sa apat na araw mula sa dating limang araw o anim na araw na pasok.

Layon ng panukala na maibsan ang nararanasang bigat sa daloy ng trapiko at bigyan ng mas maraming oras ang empleyado na makapagpahinga at makatipid ng pera.

By Ralph Obina

May 18, 2017 0 comment

Newer Posts

Older Posts