June 2026

Mahirap pang masabi kung tama ang tinatahak na landas ng foreign policy ng Duterte administration.

Pahayag ito ni Senador Panfilo Lacson matapos tanggihan ng Duterte administration ang ayudang pinansyal ng European Union o EU.

Sinabi ni Lacson na mahirap pang masabi kung tama na bigyan ng tiyansa ang ganitong uri ng foreign policy.

Una nang sinabi ni Lacson na ang desisyong ito ng administrasyon ay pagdedeklara ng independent foreign policy mula sa mga maimpluwesyang western countries.

Ayon kay Lacson, madali lang sanang sabihin na tama ang desisyon ng pamahalaan kung walang territorial dispute ang bansa sa China.

By Len Aguirre | With Report from Cely Bueno

Ipapakalat ng National Capital Region Police Office o NCRPO ang may isandaang (100) pulis sa Quiapo bilang paghahanda sa banal na buwan ng Ramadan ng mga kapatid nating Muslim na magsisimula sa 26 ng Mayo.

Ayon kay NCRPO Chief Director Oscar Albayalde, asahan na ang mahigpit na seguridad sa lugar lalo na sa bahagi ng Golden Mosque.

Matatandaang dalawa (2) ang nasawi habang anim (6) ang nasugatan sa kambal na pagsabog sa Norzagaray Street, malapit sa Golden Mosque.

By Ralph Obina

Minaliit ng Department of Budget and Management ang epekto ng pagtanggi ng bansa sa financial aid mula sa European Union (EU).

Ayon kay budget secretary Benjamin Diokno, hindi naman infrastructure projects ang pinopondohan ng financial aid mula sa EU kundi mga trainings at scholarships na kayang kaya nang pondohan ng pamahalaan.

Nilinaw rin ni Diokno na nasa limampung milyon kada taon lamang ang dating tinatanggap na financial aid ng bansa kada taon at hindi 300 million na tulad ng napapaulat.

Ayon kay Diokno, matagal nang paninindigan ng Pangulong Rodrigo Duterte na huwag magpadikta sa kagustuhan ng ibang mga bansa.

Posible rin anya na ginagawang isyu ang pagtanggi ng pilipinas sa financial aid ng EU upang makasakay ito sa kredito dahil sa magandang ekonomiya ngayon ng Pilipinas.

“Ang ganda ng ekonomiya natin, they can choose not to give us aid pero so what? The Philippines is the fastest growing country in the fastest growing region in the world.” 

By Len Aguirre