Home Monthly Archives
Monthly Archives

June 2026

HEADLINES

Pagkakataon na para palakasin ang ugnayan ng Russia at Pilipinas–Political Analyst

written by DWIZ 882
Pagkakataon na upang palakasin at patatagin ang ugnayan ng Pilipinas sa Russia.
Ayon sa political analyst na si Professor Clarita Carlos, dapat samantalahin ni Pangulong Rodrigo Duterte na maka-ugnayan ng Pilipinas ang pinakamalaki at isa sa pinakamakapangyarihang bansa.
Marami anyang ma-i-aalok ang Russia pagdating sa iba’t ibang aspeto lalo sa defense, trade at investment na malaking bentahe at tulong sa ekonomiya ng Pilipinas.
“Hindi tayo pinapakialaman ngayon ni Trump at ng America dahil iba ang kanyang pinapakialaman, medyo may entra ngayon ang Russia,  at sinasabi niya na mag-oofer siya ng sariling regional security architecture. ” pahayag ni Carlos
Samantala, sa issue naman ng maritime dispute sa West Philippine Sea, duda rin si Carlos sa bantang digmaan ng China laban sa Pilipinas.
“I’m trying to dig up the story behind that, I doubt very much. China is selling to us. Dalawang contract na atang massive railway system ang i-sesetup satin,. The Chinese, nanggaling na sa kanila ‘yung protocol, hindi ‘yan magbibitaw ng salita na burara, napakahyperbole lang talaga ng ating pangulo. ” paliwanag ni Carlos
By Drew Nacino

 

May 23, 2017 0 comment
0 Facebook Twitter Google + Pinterest
INTERNATIONAL NEWS

Brazilian president Michael Temer nanindigang hindi bababa sa pwesto

written by DWIZ 882
Nanindigan si Brazilian president Michael Temer na hindi ito bababa sa pwesto.
Ito ay sa harap ng malawakang panawagan ng pagbibitiw nito sa pwesto dahil sa isyu ng kurapsyon.
Iginiit ni Temer na mangangahulugang siya ay guilty kung siya ay magreresign bilang pangulo ng Brazil.
Matatandaang inakusahan si Tremer na nakikipagsabwatan sa kanyang chief coalition partner para bayaran at patahimikin ang mga testigo sa imbestigasyon ukol sa kurapsyong kinasasangkutan nito.
By Ralph Obina
May 23, 2017 0 comment
0 Facebook Twitter Google + Pinterest
RONDA PROBINSYA

Kilos protesta laban sa pag-phase out sa mga jeep kasado na rin sa Central Luzon

written by DWIZ 882
Nagkakasa na rin ng kilos protesta ang mga transport group sa Central Luzon bilang pagtutol sa implementasyon ng omnibus franchising guidelines na magpa-phase out sa mga jeep.
Tinatayang isandaan limampung transport leader sa mga lalawigan ng Pampanga, Bataan, Bulacan, Zambales at Nueva Ecija ang naghain ng petisyon sa Land Transportation Franchising and Regulatory Board kontra sa phase out.
Alinsunod sa petisyon, ipinunto ng mga transport leader ang malaking epekto ng guidelines sa mga driver at commuter.
Ayon kay Emmanuel Cruz, spokesman ng workers’ movement for change, isang porsyento lamang ng mga jeep ang hindi naman aabot sa  labinlimang taon, ang standard vehicle age  requirement sa ilalim ng guidelines.
Ibinabala ni Cruz na kung igigiit ng LTFRB ang pag-phaseout sa mga lumang  jeep ay asahan na ang transport strike na isang epektibong paraan upang dinggin ng Department of Transportation ang hinaing ng mga transport group.
By Drew Nacino
May 23, 2017 0 comment
0 Facebook Twitter Google + Pinterest
HEADLINES

Pangulong Duterte dumating na sa Russia para sa four-day visit

written by DWIZ 882
Dumating na sa Moscow, Russia si Pangulong Rodrigo Duterte para sa kanyang four-day visit na nakatutok sa pagpapatatag ng ugnayan ng Pilipinas at Russia.
Pasado alas kwatro kaninang madaling araw, oras sa pilipinas nang lumapag sa  Vnukovo International Airport si Pangulong Duterte kasama ang Philippine delegation.
Sa gitna ng malamig na panahon, mainit na sinalubong ang pangulo ng red carpet ng mga Russian government official.
Bukas nakatakdang magpulong si Duterte at Russian Prime Minister Dmitry Medvedev habang sa Huwebes ay kanyang makakaharap si Russian president Vladimir Putin.
Ito ang kauna-unahang pagkakataon sa kasaysayan na bumisita ang pangulo ng Pilipinas sa Russia.
By Drew Nacino
May 23, 2017 0 comment
0 Facebook Twitter Google + Pinterest
HEADLINESINTERNATIONAL NEWS

Death toll sa pagsabog sa Manchester sa UK sumampa na sa 22

written by DWIZ 882
PAGSABOG SA MANCHESTER BY AFP
Sumampa na sa dalawampu’t dalawa (22) ang patay habang nasa limampu (50) ang sugatan sa pagsabog sa concert ng American Pop Singer na si Ariana Grande sa Manchester City, United Kingdom.
Kinumpirma ng British police na may ilang batang   nasawi sa pagsabog.
Katatapos lamang ng performance si Ariana nang biglang umalingawngaw ang malakas na pagsabog sa Manchester Arena na sinundan ng mga hiyawan at iyakan ng mga nanonood.
Agad inilayo ng mga otoridad at organizer ang US Pop Star mula sa blast site.
Inaalam na kung anong uri ng bomba ang ginamit at kung isinagawa ang hinihinalang terrorist attack ng isang tao lamang o kung may kasabwat ito.
By Drew Nacino
(Photo Courtesy: AFP)
May 23, 2017 0 comment
0 Facebook Twitter Google + Pinterest
NATIONAL NEWS

Bagong MMDA chairman tiniyak na aalisin ang kurapsyon sa ahensya

written by DWIZ 882
000085166
Tiniyak ng bagong chairman ng Metropolitan Manila Development Authority o MMDA na si retired Brig. General Danilo Lim na aalisin niya ang kurapsyon sa ahensya.
Ito ay batay aniya sa naging direktiba ng Pangulong Rodrigo Duterte.
Ayon kay Lim, hindi siya magdadalawang isip na tanggalin sa pwesto ang mga taga MMDA na masasangkot sa kurapsyon.
Samantala, plano rin ni Lim na magsagwa ng malawakang imbentaryo sa ahensya gaya ng bilang ng kanilang tauhan at mga kagamitan upang matugunan ang mga problema sa trapiko.
By Ralph Obina
May 23, 2017 0 comment
0 Facebook Twitter Google + Pinterest
HEADLINES

Dating National Security Adviser Roilo Golez duda sa bantang digmaan ng China laban sa Pilipinas

written by DWIZ 882
Golez on Xi's 'brazen lie'
Duda si dating National Security Adviser at Parañaque city 2nd district Rep. Roilo Golez sa bantang digmaan ng China laban sa Pilipinas.
Ayon kay Golez, tiyak na makakalaban ng Tsina ang iba pang bansa gaya ng Vietnam sakaling maglunsad  ng agresibong hakbang sa South China sea.
“Hindi ako naniniwala na itutuloy ito sapagkat number 1 ‘yung China noong 2014, nagdala ng nakapakalaking oil rig sa loob ng EEZ ng Vietnam para sumipsip ng langis doon, anong ginawa ng Vietnam sinalubong sila at kinontra sila. Coast guard at fishing vessels ang sumalubong sa oil rig ng China, nagkaroon ng confrontation, umatras ang China, hindi ito nagkaputukan, kaya ‘yung pananakot na magkakaroon ng giyera, hindi nangyari.” pahayag ni Golez
Hindi rin anya biro para sa Tsina ang sumugal  sa digmaan lalo’t may malaking epekto  ito hindi lamang sa kanilang ekonomiya kundi sa buong mundo maging sa napakalaking populasyon ng naturang bansa.
 “Rational din ang China, alam nila na kapag sila ay nagpaputok, hindi lang doon ang labanan, ang labanan ay lalabas pa sa Vietnam, magiging international issue ito, at maaapektuhan sila,  economically and militarily, umatras sila dahil nararamdaman nila na sumasama ang imahe nila internationally. Mayroon tayong mutual defense treaty, kapag inatake ang sinumang myembro ng ating armed forces, public vessel, public aircraft, anywhere in the Pacific ay pwedeng kumilos ang America.” paliwanag ni Golez
By Drew Nacino
May 23, 2017 0 comment
0 Facebook Twitter Google + Pinterest
HEADLINES

Mga boarding house dapat suriing maigi – BFP

written by DWIZ 882
18
Muling nagpaalala ang BFP o Bureau of Fire Protection sa mga magulang at mag-aaral na tiyaking ligtas ang mga uupahang boarding houses
Ito’y dahil sa marami na naman ang tiyak na kukuha ng silid malapit sa mga pinapasukang paaralan ngayong magsisimula na ang pasukan
Ayon sa BFP, maliban sa kumportableng kama at maayos na palikuran na madalas tinitingnan ng mga estudyante, mahalagang tingnan din kung mayruon bang sapat na pananggalang sa panahon ng sunog o iba pang kalamidad
Mahalaga ring masuri kung mayruong may gumaganang fire extiguisher ang mga gusali gayundin ay kung gumagana ba ang mga fire exit ng mga ito na siyang magagamit sa emergency.

By: Jaymark Dagala

May 23, 2017 0 comment
0 Facebook Twitter Google + Pinterest
NATIONAL NEWS

Walang naging pagbabanta ang China sa Pilipinas – DFA

written by DWIZ 882
17
Nilinaw ng DFA o Department of Foreign Affairs na walang nangyaring pambubully o pagbabanta ang China laban sa Pilipinas.
Ito’y makaraang aminin mismo ni Pangulong Rodrigo Duterte ang umano’y banta sa kaniya ni Chinese President Xi Jin Ping nang igiit nito ang karapatan ng Pilipinas sa pinag-aagawang teritoryo sa West Philippine Sea.
Ayon kay Philippine Ambassador to Beijing Chito Sta. Romana, kapwa hangad ng Pilipinas at China ang mapayapang pagresolba sa nasabing usapin.
Bagama’t prangka aniya ang naging pag-uusap nila Pangulong Duterte at President xi, maituturing naman itong maganda at produktibo sa huli.
Sa panig naman ni Foreign Affairs Secretary Allan Peter Cayetano, walang nagdidikta kina Pangulong Duterte at Chinese President Xi hinggil sa kung ano ang kahihinatnan ng agawan sa teritoryo sa naturang karagatan.

By: Jaymark Dagala

May 23, 2017 0 comment
0 Facebook Twitter Google + Pinterest
HEADLINES

LTO at LTFRB balak pagpaliwanagin hinggil sa anti-distracted driving act

written by DWIZ 882
16
Hiniling ng ilang Senador sa DOTR o Department of Transportation na ipatigil muna ang pagpapatupad sa Anti-Distracted Driving Act.
Ito’y makaraang umani ng reaksyon mula sa publiko ang tila nanganak na mga polisiya na nagbabawal sa alinmang bagay na nakasasagabal sa paningin ng tsuper na nagmamaneho sa sasakyan.
Nais lamang kasi ng mga Senador ang mahigpit na pagpapatupad sa polisiya ng paggamit ng cellphone o anumang gadget ng mga tsuper habang nagmamaneho.
Kaya naman, ikinakasa ni Senadora Nancy Binay ang paghahain ng isang resolusyon upang magpatawag ng imbestigasyon at hingan ng paliwanag ang mga opisyal ng lto gayundin ng LTFRB.

By: Jaymark Dagala

May 23, 2017 0 comment
0 Facebook Twitter Google + Pinterest
Newer Posts
Older Posts