June 2026

Hindi naman makapaniwala ang 35 anyos na si Ramil Comendador na makapapasa siya sa 2016 bar examinations.

Si Comendador ay mayroong asawa at dalawang anak na nag-trabaho bilang janitor at legal researcher sa Commission on Elections.

Ayon kay Ramil,  hindi niya  alam kung paano  pasasalamatan ang Diyos maging ang mga taong nagbigay sa kanya ng lakas.

Mula anya sa mahigit 3700 pumasa sa bar, pang-914 siya sa mga passer.

Taong 2007 hanggang 2010 nang mag-trabaho bilang janitor sa COMELEC si Comendador at noon namang 2011 ay  pumasok sa law school.

Payo naman ni Ramil sa mga katulad niyang hindi  naghangad maging abogado na huwag mawalan ng pagasa sa pagkamit sa inaasam na pangarap.

By: Drew Nacino / Aya Yupangco

Pinaikli na ang oras ng trabaho ng mga empleyado ng Bureau of Immigration na naka-assign sa main office, field, extension at satellite offices ng ahensya.

Ito’y makaraang maputol ang pagbabayad sa overtime ng mga nasabing empleyado.

Ayon kay Immigration Commissioner Jaime  Morente, siyam na oras na lamang ang   work schedule o simula alas otso ng umaga hanggang ala singko ng hapon kumpara sa dating ala syete ng umaga hanggang ala singko y medya.

Inabisuhan naman ni Morente ang mga may transaksyon sa B.I. kabilang ang accredited travel agencies at law offices, na masanay sa  bagong  schedule.

Tiniyak naman ng B.I. Commissioner na mananatiling maayos at mabilis ang kanilang serbisyo sa publiko sa kabila ng pinaikling oras ng trabaho.

By: Drew Nacino

Umapela na si Justice Secretary Vitaliano Aguirre kay Internal Revenue  Commissioner Cesar Dulay upang  imbestigahan ang negosyanteng si Charlie “atong” Ang.

Sa isang pahinang liham na pirmado ni Aguirre, nais niyang siyasatin ng B.I.R. ang posibleng paglabag ni ang sa umiiral na tax code sa bansa.

Ang hirit ni Aguirre ay kasunod ng pag-ooperate umano ng kumpanya ni ang na Meridien sa labas ng Cagayan Economic Zone Authority o CEZA.

Sa ilalim umano ng section 5 at section 6 ng national internal revenue code, may kapangyarihan ang B.I.R. Comissioner na imbestigahan si Ang maging  ang kumpanyang Meridien Vista Gaming Corporation.

Tiniyak naman ng kalihim  na patuloy na susuportahan ng D.O.J. ang run after tax evaders o rate program ng BIR sa pamamagitan ng pagpapalakas sa pag-usig sa mga kaso ng tax evasion.

By: Drew Nacino / Bert Mozo

Hindi  na problema ng Pilipinas ang mga banat kay US President Donald Trump kaugnay sa imbitasyon nito kay Pangulong Rodrigo Duterte na bumisita sa Amerika.

Inihayag ito ng Malakanyang bilang reaksyon sa editorial ng New York Times na nilalabag mismo ni Trump ang posisyon nila sa demokrasya at human rights nang imbitahan si Pangulong Duterte.

Ayon kay Presidential Spokesman Ernesto Abella, concern ito ng Amerika at hindi ng Pilipinas kaya bahala si President Trump kung paano niya ito haharapin ito.

Hanggang ngayon aniya ay hindi pa opisyal na tinatanggap ni Pangulong Duterte ang imbitasyon ni Donald Trump.

Ayaw ring patulan ng palasyo ang editorial ng New York Times kung saan tinawag ang Pangulo na despotic leader o malupit na pinuno.

By: Drew Nacino / Aileen Taliping

Humingi  ng  pang-unawa  ang   Malakanyang   sa  mga  ginagawa nitong  hakbang para palakasin ang diplomatic relations ng Pilipinas sa ibang  bansa.

Ito ang reaksyon ng palasyo sa resulta ng Pulse Asia Survey na nagpapakitang mababa ang tiwala ng mga Pilipino sa mga bansang Russia at China.

Ayon kay Presidential Spokesperson Ernesto Abella, sinisikap ng pamahalaan na  palawakin  ang pakikipag-ugnayan  ng Pilipinas sa international community at bigyan din ng tsansang kilalanin ang pakikipagkaibigan ng Russia at China sa Pilipinas.

Kumpiyansa ang palasyo na dahil sa gumagandang relasyon  sa Russia at China, mabibigyan ng pagkakataon ang Pilipinas na umunlad bilang isang nasyon at bilang miyembro ng international community.

Magugunita  sa naturang survey, pumalo lamang sa 42 percent ang trust rating ng mga Pinoy sa Russia, habang 37  percent naman  sa Tsina.

By: Drew Nacino / Aileen Taliping