June 2026

Hindi pinapaboran ni Senator Allan Cayetano ang impeachment complaint laban sa dalawang (2) pinaka mataas na lider ng bansa.

Sinabi ni Cayetano na ito ay dahil isa itong prosesong pulitikal na hindi naman kailangan ng bansa sa panahong ito.

Mas mainam aniya, kung tututukan nalang ng pamahalaan ang pagsusulong ng mga programang magpapaunlad sa bansa.

PAKINGGAN: Bahagi ng pahayag ni Senator Allan Cayetano sa panayam ng DWIZ

LP President kumpiyansang mababasura ang impeachment complaint vs VP Robredo

Kumpiyansa si Liberal Party President Senator Kiko Pangilinan na mababasura lamang ang impeachment complaint laban kay Vice President Leni Robredo.

Sinabi ni Pangilinan na walang basehan ang naturang reklamo at siguradong mananaig ang katotohanan sa usapin.

Binigyang diin ni Pangilinan na maliban sa hindi impeachable offense ang malayang paglalahad, wala rin aniyang kuwestyonable sa paglalabas ng Bise Presidente ng video message.

Pagtalakay sa impeachment complaint vs Duterte sisimulan na sa susunod na linggo

Sisimulan na ng House Committee on Justice ang pagtalakay sa impeachment complaint laban kay Pangulong Rodrigo Duterte, sa susunod na linggo.

Sinabi ni Committee Chairman Rey Umali na ito matapos mapagkasunduan na gagawing prayoridad ng komite ang pagtalakay sa reklamong inihain ni Magdalo Party-list Representative Gary Alejano.

Bagamat tiniyak na dadaan sa tamang proseso ang reklamo, sinabi ni Umali na maari aniyang mabalewala ito dahil sa dami ng miyembro ng super majority.

By Katrina Valle |With Report from Cely Bueno

Umapela ng pag – unawa ang Malakanyang sa publiko hinggil sa pagpapalakas nito sa diplomatic relations sa ibang bansa katulad ng China at Russia.

Kasunod ito ng paglabas ng resulta ng Pulse Asia kung saan sinasabing apatnaput dalawang porsyento (42%) lamang ng mga Pilipino ang nagtitiwala sa Russia, habang tatlumput pitong porsyento (37%) naman ang nagtitiwala sa China.

Ayon kay Presidential Spokesman Ernesto Abella, sinisikap ng pamahalaan na mapalawak ang pakikipag ugnayan ng Pilipinas sa international community at umaasa itong mabibigyan ng pagkakataon ng publiko ang pagkilala sa pakikipag kaibigan ng Pilipinas sa Russia at China.

Tiwala rin si Abella na dahil dito, magkakaroon na ng pagkakataon ang Pilipinas na umunlad bilang isang nasyon.

By Katrina Valle |With Report from Aileen Taliping

Dismayado at labis-labis ang panghihinayang ni Department of Environment and Resources o DENR Secretary Gina Lopez makaraang ibasura ng Commission on Appointments (CA) ang kanyang appointment bilang kalihim.

Ayon kay Lopez, marami pa naman sana siyang plano para sa ahensya at para sa kalikasan.

Iginiit ni Lopez na malinaw na nanaig ang business interest ng mga mambabatas na miyembro ng makapangyarihang CA.

“Marami kaming plano, sayang. Na sana sa pamamagitan ng pag-alaga ng kalikasan dun manggagaling ang pakinabang ng lahat. We will gonna do it, you know. I am excited kasi may pera ang pamahalaan, may pera ang DENR, and I wanted to use that money to create programs na pwedeng pwedeng pwedeng alisin ang kahirapn dito sa bansa”, ani Lopez.

Sinabi ni Lopez na hindi pa niya alam sa ngayon kung ano ang susunod niyang plano matapos ma-reject ng CA.

Sa kabila ng nangyari, handa pa rin naman aniya siyang maglingkod sa pamahalaan sa anumang paraan.

Sa huli, iginiit ni Lopez na kakailanganin ng sinumang susunod na kalihim na DENR ang tapang at paninindigan.

“You know, it needs, one, it needs guts, it needs tapang, because you have to step on this business they are doing, and two, it needs integrity, it is a total tapang. And third, what the job also that needs is the develop experience, because that’s what I am bringing to the picture kasi eh. I know how to eradicate poverty and took care of the environment, at sana, yan ang gusto sanang gawin. So, I will still offer my services to President Duterte in terms of development”, pahayag ni Lopez.

By Ralph Obina 

Hindi kinumpirma ng Commission on Appointments o CA ang pagkakatalaga kay Gina Lopez bilang Environment Secretary.

Sinabi ni Committee on Environment and Natural Resources Chairman Manny Pacquiao na ito ay kasunod ng labing tatlong (13) boto na nagbabasura sa appointment.

“Has putted today and has met the required 13 votes. With sadness in my heart, this committee through this plenary, is terminating its deliberation on Gina Lopez appointment not in the way I personally wanted to but by the decision of the majority which I am soared but we must all respect. To you, Gina Lopez, my suppose DENR Secretary, I salute you”, pahayag ni Pacquiao.

At bagamat malungkot, hinimok ni Pacquiao si Lopez na ituloy pa rin ang kanyang adbokasiya at ituring ang kabiguang ito, bilang simula ng kanyang panibagong laban.

“One step backward, two steps forward, I believe in my heart that no matter how several been people maybe against Gina, she will always stand on what she believes morally, is morally and environmentally right in righteous. She remains Gina Lopez Paz at Lao Lopez, the woman with a gold mind of heart. Hindi ito ang katapusan, ito ay simula pa lang ng bagong kabanata ng laban ng isang matapang, tapat, at may prinsipyong babae, at yan ay si Gina Lopez”, ani Pacquiao.

Lopez kinasuhan ng CMDC sa Ombudsman

Kinasuhan ng graft ng CMDC o Citynickel Mine Development Corporation, sa pamamagitan ni Atty. Lorna Kapunan sa Ombudsman si Environment Sec. Gina Lopez.

Ito ay kaugnay sa umano’y pamimilit ni Lopez sa isang mining firm na maglaan ng P130-M pondo sa kanyang hawak na non – government organization.

Sinabi ni Kapunan na binalewala rin ni Lopez ang pinasok na 25 taong mineral production sharing agreement ng CMDC at ng DENR.

Maliban sa kasong graft ay sinampahan din ng CMDC si Lopez ng illegal exaction, paglabag sa Code of Conduct and Ethical Standards for Public Officials and Employees at paglabag sa Red Tape Act of 2007.

By Katrina Valle |With Report from Cely Bueno / Jill Resontoc

Hindi itinago ng ilang senador ang pagka-dismaya sa pagbasura ng Commission on Appointments (CA) sa ad interim appointment ni Gina Lopez bilang kalihim ng DENR o Department of Environment and Natural Resources.

Kabilang sa mga nagbigay ng manifestation sa plenaryo na hindi sila pumapabor sa pagbasura sa appointment ni Lopez ay sina Senador Tito Sotto, Senador Kiko Pangilinan at iba pang Liberal Party o LP senators, Senador JV Ejercito at Senador Loren Legarda.

Naging emosyonal naman si Legarda sa kanyang naging manifestation.

Sinabi ni Legarda na walong (8) naging kalihim ng DENR ang kanyang nakaharap na sa mga panahong naging miyembro siya ng CA subalit ngayon lamang sya nakatagpo ng isang tunay sanang mangangalaga sa kalikasan.

“She could’ve done so much if we have given her the chance. I wish, I hope, I prayed that my support and my friendship would be enough. I hope that the next DENR Chief whether he/she may be would also have the same passion, political will and integrity but would not suffer the same fate in the Commission on Appointments (CA). With that Mister Chairman, I register my strong dissent to the commission’s rejection of the confirmation of the ad interim appointment of Sec. Regina Paz Lao Lopez”, pahayag ni Legarda sa manifestation sa plenaryo.

By Len Aguirre |With Report from Cely Bueno