June 2026

Nagpaalala muli si Manila Archbishop Luis Antonio Cardinal Tagle ang pagpapatatag ng bawat pamilya sa bansa.

Ginawa ni Tagle ang pahayag sa katatapos na 37th Catholic Mass Media Awards.

Ibinahagi ni Tagle ang ilang naging sentro nang pagpulong ng mga Synod of Bishops noong nakaraang buwan sa Roma kung saan siya ang honorary chairman.

Aniya, kabilang sa pangunahing tinalakay ang kahalagahan ng pamilya sa lipunan.

Kasabay nito, ang kanyang paghamon sa mga politiko huwag gamitin ang kanilang pamilya para sa korapsiyon.

By: Mariboy Ysibido

Kinasuhan ng graft sa Sandiganbayan si Senador Lito Lapid at 5 iba pa dahil sa pagkakadawit umano nila sa fertilizer fund scam noong 2004.

Kasong paglabag sa sections 3-E at 3-G ng Republic Act 3019 o “Anti-Graft and Corrupt Practices Act” ang isinampang reklamo ng Office of the Ombudsman sa Sandiganbayan.

Kabilang din sa mga kinasuhan sina Pampanga Provincial Accountant Benjamin Yuzon; Provincial Treasurer Vergel Yabut; Ma. Victoria Aquino-Abubakar at Leolita Aquino, Incorporators ng Malayan Pacific Trading Corporation o MPTC; at si Dexter Alexander Vasquez, Proprietor ng DA Vasquez Macro-Micro Fertilizer Resources (DAVMMFR).

Batay sa impormasyon sa kaso, bumili noong May 2004 mula sa MPTC ang Pampanga provincial government sa ilalim ng pamumuno ni noo’y Governor Lapid ng 3,880 litro ng liquid fertilizers na ginawa ng DAVMMFR.

Umabot sa P4.761 million ang halaga ng pataba.

Sinasabing hindi idinaan sa public bidding ang naturang tansaction, bagay na mahigpit na ipinagbabawal ng Republic Act 9184 o mas kilala bilang Government Procurement Reform Act.

By  Meann Tanbio 

Kumpiyansa ang Department of Foreign Affairs (DFA) na masosolusyunan ng gobyerno ang tanim bala modus sa Ninoy Aquino International Airport (NAIA).

Sa isang press conference, sinabi ni DFA Spokesman Assistant Secretary Charles Jose na iniimbestigahan na ng iba’t ibang ahensya ng pamahalaan ang insidente.

Hindi naman nakikita ni Jose na nakasasagabal ang naturang modus sa nalalapit na APEC Summit.

Umaasa ang DFA official na bago mag-Pasko, tuluyan nang masasawata ang tanim bala modus sa NAIA.

By  Meann Tanbio | Allan Francisco  

Hiniling ni Senador Grace Poe sa Senate Electoral Tribunal na desisyunan na ang disqualification case na inihain laban sa kaniya kahit wala na ang resulta ng dna tests kaugnay ng pagkuwestiyon sa kaniyang citizenship.

Pormal na ipinaalam ng senadora sa tribunal sa pamamagitan ng kaniyang abogado na si Atty. Alexander Poblador sa tatlong pahinang manipestasyon na inihain ng kampo ni Poe sa SET nitong Huwebes, na negatibo ang resulta ng isinagawang DNA tests sa kanya mula sa sample na kinuha sa mga posibleng tunay nitong kamag-anak.

Sa kabila ng resulta ng DNA tests, nanindigan ang kampo ni Poe sa kanilang posisyon na natural-born Filipino ang mambabatas at kuwalipikadong manatili bilang halal na senador ng bansa.

Bagaman ipagpapatuloy umano ni Poe ang paghahanap sa kaniyang mga tunay na magulang, sinabi nito na wala na siyang itutugon sa petisyon na inihain laban sa kaniya at ipapaubaya na niya sa set ang magiging desisyon.

By: Mariboy Ysibido

Nagpaalala ang Department of Labor and Employment sa mga pribadong kumpanya sa National Capital Region na sumunod sa pay rules sa holidays at special non-working days sa APEC Economic Leaders’ meeting sa Nobyembre 18 at 19.

Ayon kay DOLE Secretary Rosalinda Baldoz, kailangang sumunod ang lahat ng mga employers sa ipinalabas na direktiba ng gobyerno.

Idineklara ni Pangulong Noynoy Aquino ang November 18 at 19 bilang Special Non-Working days sa Metro Manila dahil sa APEC summit.

Dahil dito, ang mga empleyadong magre-report sa araw na gaganapin ang summit ay makakatanggap ng 30 percent ng kanilang daily rate sa unang walong oras dagdag pa ang cost-of-living allowance.

Sa mga mag-o-overtime naman sa trabaho ay makakatanggap ng P98.44 kada oras para sa mga minimun wage earners.

Kapag natapat naman ang rest day/day off sa non-working days, makakatanggap pa rin ang mga empleyado ng karagdagang 50 percent sa kanilang arawang sahod sa unang walong oras at karagdagang 30 percent sa kada oras ng overtime work.

By: Mariboy Ysibido

Pinangangamba­hang tumaas sa P7 kada kilo ang presyo ng baboy sa mga darating na araw bunsod ng nakaambang pork ho­l­i­day na ikinasa ng Swine Development Council.

Nalulugi umano ng mga ito sa patuloy na pagi­ging maluwag ng Department of Agriculture sa pagpasok ng mga imported na karne sa bansa.

Sinabi ni Agriculture Secretary Proceso Alcala na paiigtingin nila ang pagbabantay sa pres­yo ng baboy dahil malamang na samantalahin ng mga nagtitinda ng karne ng baboy ang pagtataas ng presyo dahil sa banta ng pork holiday ng mga local hog raisers.

Ayon sa DA, idadaan ang isyu sa mabu­ting usapan at nagtakda na sila ng dialogo sa natu­rang grupo at ilan pang local hog raisers upang huwag maisakripisyo ang mga mamimili.

Posibleng tumaas din ang presyo ng gulay, rekado at prutas sa disyembre bunsod ng nagdaang bagyong ‘Lando’ at El niño phenomenon.

Ayon kay Department of Agriculture Asec. Leandro Gazmin, sa ganitong season nasasagad ang stock ng sibuyas, bawang at kamatis lalo na’t sinalanta ng bagyo ang Isabela at Nueva Ecija kung saan nanggaga­ling ang majority produce ng mga panrekado.

By: Mariboy Ysibido