June 2026

Iginiit ni Tacloban City Mayor Alfred Romualdez na wala siyang sama ng loob kay dating Department of Interior and Local Government (DILG) Secretary Mar Roxas.

Magugunitang naging isyu ang mabagal umanong rehabilitasyon sa Leyte na sinasabing nag-ugat sa pulitika.

Subalit, sa panayam ng DWIZ, sinabi ni Romualdez na sa katunayan ay kinamayan pa niya noon si Roxas sa ikalawang senate hearing ukol sa naturang usapin.

Aniya, mas pinagtuunan niya ng pansin ang kapakanan ng mga mamamayan at hindi ang kanyang pansariling interes.

“ Kaya ako sabi ko isinasantabi ko muna yung political plans or agenda that’s why I’m not running for office, I’m also graduating Mayor and I’d like to focus now with the private sector para matulungan dito sa Tacloban na makabangon ng husto.” Pahayag ni Romualdez.

By Jelbert Perdez | Ratsada Balita

Nagpasalamat si Former North Cotabato Governor Manny Piñol sa mga sindikato na nagsasagawa ng tanim-bala sa Ninoy Aquino International Airport.

Ayon kay Piñol, isa ang tanim-bala sa mga dahilan para lalong makumbinsi si Duterte na tumakbo sa eleksyon pampanguluhan sa may 2016.

Sinabi pa ni Piñol na ang isyu ng tanim-bala sa NAIA ay ang tinutukoy ni Duterte na sobrang pag kastigo o pang aapi sa mga Filipino.

Aniya tinulungan sila ng mga sindikato na kumbinsihin si Duterte na sumabak na sa presidential election.

“Kaya kami’y nagpapasalamat doon sa mga author ng tanim bala pagka’t yung aming sigurong failure to convince Mayor Duterte to run, tinulungan kami ng mga sindikato para ipakita na kailangan talagang tumakbo si Mayor Duterte,” paliwanag ni Piñol.

By: Mariboy Ysibido I Ratsada Balita

Aabot sa 10 bilyong piso ang inilalaang budget ng pamahalaan para sa gaganaping APEC Summit ngayong buwan.

Ayon kay Ambassador Marciano Paynor Jr., Director General ng APEC 2015 National Organizing Council o NOC, ito’y itinuturing na isang long-term investment ng gobyerno.

Inaasahang dadalo sa Summit ang 21 lider mula sa iba’t ibang nasyon na kinabibilangan ng Estados Unidos, Russia, Japan at China.

Nilinaw naman ni Paynor na maliit lang ang pondong ito kung ikukumpara sa nagastos ng ibang bansa na nag-host na ng APEC Meeting.

Tatalakayin sa APEC Summit ang mga usaping pang-ekonomiya sa Asia-Pacific Region.

By Jelbert Perdez 

Posible pa rin umanong tumakbo sa pampanguluhang halalan sa 2016 si Davao City Mayor Rodrigo Duterte.

Ito’y matapos igiiit ni Duterte na hindi niya nagugustuhan kung paano tinatrato at ginigipit ang mga pinoy sa gitna na rin ng isyu ng tanim-bala sa paliparan.

Ayon sa alkalde, kapag nasagad na siya ay baka tumakbo na siya sa presidential race.

Matatandaang pinili ng Partido Demokratiko Pilipino-Lakas ng Bayan o PDP-Laban si Duterte bilang substitute ni presidential candidate Martin Diño.

By Jelbert Perdez 

09-33-55-24-43-53 (No Winner)
In any order
Jackpot Prize: Php 30 Million

48-52-14-58-23-38 (No Winner)
In any order
Jackpot Prize: Php 50 Million