Monthly Archives

June 2026

DFA: No reports kung may nadamay na Pinoy sa Paris attack

Patuloy sa pagkuha ng impormasyon ang DFA o Department of Foreign Affairs partikular ang embahada ng Pilipinas sa Paris kaugnay sa terror attacks sa central district ng France.

Ayon kay DFA Spokesman Charles Jose, wala pa silang natatanggap na report na may nadamay na Pinoy sa pagsabog.

Tinatayang higit 100 ang nasawi sa 5 pagsabog sa Central District ng Paris.

Sinabi ni Jose na hindi naman kasama ang France sa APEC at napaghandaan na ng security officials ang anumang uri ng banta sa seguridad.

By Judith Larino

November 14, 2015 0 comment

HEADLINES INTERNATIONAL NEWS

Halos 150 katao patay sa terror attack sa Paris

written by DWIZ 882

Halos 150 katao ang patay at higit 60 rin ang sugatan sa pagsabog at pag-atake sa 5 lugar sa Paris, France.

Ayon sa French Media, naganap ang unang pag-atake sa Stade de France National Stadium kung saan ginaganap ang friendly soccer match ng France at Germany.

Ang ikalawang pag-atake ay nangyari sa labas ng isang Cambodian restaurant sa 10th District ng Paris kung saan ayon sa mga testigo ay ilang kalalakihan gamit ang assault rifles ang pinagbabaril ang mga kumakain

Nilusob naman ng ilang kalalakihan ang Bataclan Music Hall kung saan kaagad ini-evacuate ang mga bystander nang i-take over ito ng elite police commandos.

Ilang hostages ang hawak ng mga suspek sa naturang concert hall.

Sinasabing nagkaroon din nang pamamaril sa Rue de Charonne sa 11th District at Central Lei Hall Shopping Center

Ang mga naturang pagsabog ay nangyari sa gitna nang pagtataas ng alerto ng Paris kontra mga militante bilang miyembro ng US led coalition na nagsasagawa ng air strikes laban sa ISIS sa Syria at Iraq.

Tinawag na attack on humanity ng Pangulo ng France ang nasabing insidente.

Dahil dito, nagdeklara na ng state of emergency sa Paris matapos ang mga nasabing pag-atake.

By Judith Larino

November 14, 2015 0 comment

INTERNATIONAL NEWS

Magnitude 7.0 na lindol tumama sa bahagi ng Japan

written by DWIZ 882

Niyanig ng magnitude 7.0 na lindol ang southern coast ng Japan.

Ito’y ayon sa naitala ng United States Geological Survey.

Tumama ang lindol sa 119 miles west-southwest ng Kagoshima na may lalim na 6.2 miles bago mag-alas-6:00 ng umaga ngayong Sabado, oras sa Japan.

Kaugnay nito, pinawi naman ng Pacific Tsunami Center ang pangamba ng pagtama ng tsunami.

By Allan Francisco

November 14, 2015 0 comment

NATIONAL NEWS

Paghahanda ng gobyerno sa pagdinig ng kaso vs China tuluy-tuloy

written by DWIZ 882

Walang patid ang ginagawang paghahanda ng gobyerno para sa nakatakdang pagdinig ng International Tribunal sa Arbitration Case na inihain ng Pilipinas laban sa China sa territorial dispute sa West Philippine Sea.

Matapos tanggapin ang hurisdiksyon sa kaso, itinakda ng Arbitral Court sa huling linggo ng Nobyembre ang pagdinig para sa presentasyon ng Pilipinas sa merito ng reklamo.

Gayunman, hindi masabi ni Deputy Presidential Spokesperson Abigail Valte kung ano ang bahagi ng documentary evidence na ipi-prisinta ng Pilipinas para sa reklamong inihain laban sa China.

Partikular na kinukuwestyon kung legal ang reclamation activities ng China sa mga pinag-aagawang lugar sa Spartlys.

Iginiit pa ni Valte na walang mababago sa komposisyon ng mga abogadong kakatawan sa bansa sa pangunguna ni Solicitor General Florin Hilbay.

By Meann Tanbio

November 14, 2015 0 comment

HEADLINES

‘Major exercise’ para sa APEC Summit ikinasa

written by DWIZ 882

Isinagawa ngayong araw, November 14 ang ‘major exercise’ na pinagunahan ng lahat ng may kinalaman sa paghahanda para sa APEC Summit.

Nagsimula ang full-scale security simulation exercise kaninang alas-7:00 ng umaga.

Sa nasabing pagsasanay, ayon kay PNP Chief Director General Ricardo Marquez, tutukuyin kung mayroon pang mga kinakailangang baguhin, dagdagan o bawasan sa preparasyon sa nasabing summit.

Kasama sa pagsasanay ang convoy runs at crowd control.

Muling iginiit ng PNP Chief na walang namomonitor na security threat ang intelligence community, maliban na lamang sa mga planong mass protest ng ilang militanteng grupo.

Kaugnay nito, hiningi muli ng PNP ang kooperasyon ng publiko kaugnay sa isinasagawang full scale simulation exercise ng task force APEC 2015 ngayong araw na ito.

Sinabi ni PNP Spokesman Chief Supt. Wilben Mayor na nagsimula na kaninang alas-7:00 ng umaga ang 15 hanggang 30 minutong stop and go situation sa kalsada na dadaanan ng convoy ng APEC leaders.

Sinimulan ang simulation exercise sa NAIA dadaan ng Skyway, EDSA sa bahagi ng Ayala, Buendia, Roxas Boulevard, Manila Hotel, PICC hanggang sa Mall of Asia.

Traffic management dry run

Samantala, magsasagawa ang Metropolitan Manila Development Authority o MMDA ng dry run patungkol sa traffic management na kanilang ipatutupad sa APEC Summit.

Dahil dito, sinabi ni MMDA Chairman Emerson Carlos na asahan na ang mabigat na daloy ng trapiko sa ilang main thoroughfare tulad ng EDSA dahil sa isasagawang dry run.

Pinaalalahanan din ni Carlos ang mga motorista na sarado ang ilang kalsada tulad ng Roxas Boulevard mula Manila Hotel hanggang Ninoy Aquino International Airport Road.

Maging ang buong stretch ng service road ng Roxas Blvd. mula T.M. Kalaw hanggang P. Ocampo at Vito cruz ay isasara rin.

Kasabay nito, humingi ng kooperasyon at pang-unawa sa publiko ang Chairman ng MMDA dahil sa ikakasang dry run.

By Meann Tanbio | Judith Larino

November 14, 2015 0 comment

NATIONAL NEWS

Pasok sa mga korte sa NCR suspendido mula November 17-20

written by DWIZ 882

Inihayag ni Chief Justice Maria Lourdes Sereno na suspendido ang lahat ng pasok sa mga korte sa National Capital Region o NCR mula November 17 hanggang 20 dahil sa APEC Summit.

Base rin sa abiso ng Supreme Court, sa Lunes, Nobyembre 16, suspendido ang pasok sa first at second level courts sa Maynila at Makati.

Inaatasan ang mga executive judges na magtalaga ng skeletal force sakaling may mga insidente ng ‘emergency filings’.

Sa Korte Suprema naman suspendido na ang pasok simula sa Lunes maliban lamang sa mga tanggapan ng judicial records office, cashier, motor pool, clerk of court en banc at chambers of justices.

Suspendido rin ang pasok sa Court of Appeals sa Lunes maliban na lamang sa mga itatalagang tanggapan ng presiding justice na kailangang manatiling bukas.

Ang Sandiganbayan at ang mga executive judge ng mga lower courts ay dapat ding magtalaga ng skeletal force sa nasabing mga petsa.

By Meann Tanbio

November 14, 2015 0 comment

HEADLINES

Balasahan sa Bilibid nakaamba

written by DWIZ 882

Nakaamba ang balasahan sa NBP o New Bilibid Prison.

Ito ay bunsod na rin nang isinagawang raid noong Nobyembe 5 kung saan nakasamsam ang mga otoridad ng matataas na kalibre ng mga baril, limang 12-gauge shotguns, isang 30-caliber carbine, 45-caliber pistols, 38-caliber revolvers, gun silencer, 50,000 piraso ng sari-saring mga bala, 60 mga patalim, at maging sex toys.

Kaugnay nito, sinabi ni Bureau of Corrections Spokesman at NBP Chaplain Msgr. Roberto “Bobby” Olaguer na ang napipintong reshuffle ay nakabatay sa resulta ng isinasagawang imbestigasyon upang matukoy ang mga empleyado at opisyal na may tunay na kinalaman sa pagpapapasok ng mga kontrabado sa loob ng Bilibid.

By Meann Tanbio

November 14, 2015 0 comment

HEADLINES

‘Automated’ na dayaan sa 2016 elections ibinabala

written by DWIZ 882

Maghanda sa automated cheating.

Ito ang babala ni Senator Aquilino Pimentel III sa Commission on Elections o COMELEC kasabay ng hirit na dapat itong makinig sa panawagan para sa credible na 2016 elections.

Partikular na binanggit ni Pimentel ang pagre-review ng source code na isa sa mga security feature sa ilalim ng Automated Election Law.

Ayon kay Pimentel, posibleng magkaroon ng dayaan sa 2016 election sa pamamagitan ng pag-manipula sa PCOS machines at vote-buying.

Sinabi ni Senador na hiniling na rin niya kay COMELEC Chairman Andres Bautista na bigyan siya ng plano ng poll body kung paano maiiwasan ang dayaan.

By Jelbert Perdez

November 14, 2015 0 comment

HEADLINES

Special prosecutor sa NAIA itinalaga na

written by DWIZ 882

Naglatag na ang pamahalaan ng terminal justice sa paliparan.

Ayon kay Department of Justice (DOJ) Spokesman Emmanuel Caparas, nagtalaga na ang kanilang ahensya ng mga special prosecutor sa Ninoy Aquino International Airport o NAIA.

Paliwanag ni Caparas, ito’y upang makapagsagawa agad ng on-the-spot inquest proceedings partikular sa mga kaso ng mga nahuhulihan ng ammunition o ang mga hinihinalang biktima ng tanim-bala.

Sinabi ni Caparas na noong nakaraang linggo pa idineploy ang mga piskal sa paliparan upang masawata na ang naturang extortion scheme.

Ang hakbang ay ginawa ng DOJ kasunod na ng alok na libreng legal assistance ng Public Attorney’s Office o PAO para sa mga biyahero.

By Jelbert Perdez

November 14, 2015 0 comment

NATIONAL NEWS

Early registration period para sa senior high school isinara na

written by DWIZ 882

Iginiit ng Department of Education o DepEd na hindi na ito tatanggap ng mga estudyante na gustong mag-enrol sa senior high school o SHS program.

Ito, ayon kay Education Secretary Armin Luistro, ay dahil opisyal nang nagsara ang registration period.

Giit ni Luistro, wala nang extension ng early registration upang masigurong walang delay at magkaroon ng smooth implementation ng programa sa June 2016.

Nilinaw naman ng DepEd chief na wala pa itong datos kung ilang mga estudyante ang nagpa-enrol dahil ini-encode pa ang mga report mula sa mga school division sa iba’t ibang panig ng bansa.

By Jelbert Perdez

November 14, 2015 0 comment

Newer Posts

Older Posts