Monthly Archives

June 2026

Seguridad sa APEC summit mas pinaigting kasunod ng terrorist attack sa France

Lalong pinaigting ang ipinatutupad na seguridad sa pagdaraos ng Asia Pacific Economic Cooperation (APEC) leaders summit sa harap ng naganap na terror attack sa Paris, France.

Sinabi sa DWIZ ni Philippine National Police Spokesman Pol. Chief Supt. Wilben Mayor na naka-full alert na ang PNP at may koordinasyon na sila sa Armed Forces of the Philippines .

Layon aniya nito na mahadlangan o mapigilan ang ano ang banta sa pagdaraos ng APEC summit.

Sinabi ni Mayor na wala silang natatanggap na ano mang intelligence report ng pagbabanta sa mga world leaders na dadalo sa APEC.

Gayonman, hindi aniya sila magiging kampante dahil kailangang maging handa sa lahat ng oras.

By: Aileen Taliping (patrol 23)

November 15, 2015 0 comment

ENTERTAINMENT

Concert ng grupong U2 sa Paris kanselado kasunod ng malagim na terror attack

written by DWIZ 882

Kinansela ng grupong U2 ang kanilang nakatakda sanang concert ngayong weekend sa Paris, France kasunod ng malagim na terror attack .

Ang Irish band sa pagunguna ni Bono ay nasa Paris na sa nakalipas na mga araw at naghihintay na lamang ng Sabado at Linggo para sana sa kanilang performance.

Binisita ng grupo ang Bataclan concert hall at nag-alay ng panalangin sa mga inosenteng sibilyan na nasawi sa terror attack.

Inihayag ng grupo ang kanilang matinding pagkabigla sa malagim na insidente at ipinaabot ang pakikidalamhati sa pamilya ng mga nasawi at dasal para sa maagang paggaling ng mga nasugatan.

By: Aileen Taliping (Patrol 23)

November 15, 2015 0 comment

NATIONAL NEWS

Madugong pag-atake sa Paris kinondena ng MILF

written by DWIZ 882

Kinondena ng Moro Islamic Liberation Front o MILF ang mga pag atake sa paris kung saan higit 120 katao na ang naitatalang patay.

Ayon sa grupo, hindi katanggap tanggap at kanila raw itinatakwil ang anumang acts of terror laban sa sangakatuhan.

Bukod dito, kinondena rin ng grupo ang mga pagatake sa mga sibilyan sa Palestine, Myanmar at iba pang panig ng mundo.

Kung matatandaan ang MILF ay lumagda sa peace agreement sa pamahalaan ng Pilipinas matapos ang halos 4 na dekadang pagrerebelde.

By: Jonathan Andal

November 15, 2015 0 comment

NATIONAL NEWS

Global Climate Change Summit sa Paris tuloy pa rin sa kabila ng serye ng terrorist attacks

written by DWIZ 882

Tuloy pa rin ang Global Climate Change Summit sa Paris sa katapusan ng Nobyembre kahit pa nagkaroon ng mga serye ng pag-atake sa nasabing siyudad nitong Biyernes ng Gabi.

Ayon kay France Prime Minister Manuel Valls mahalagang matuloy ang nasabing pagpupulong dahil tungkol ito sa humanity o sangkatuahan.

Isa rin anya itong paraan upang maipakita ng mga lider ng ibat ibang bansa ang kanilang pakikiisa sa France matapos ang mga pag-atake doon.

Aabot sa 118 world leaders ang inaaasahang dadalo sa pagbubukas ng Global Climate Change Summit sa Nov 30.

Nasa 20,000 hanggang 40,000 delegado naman ang inaasahang pupunta sa nasabing pagpupulong na magtatagal ng hangang Dec 11.

Sa ngayon, ayon sa mga opisyal sa Washington plano pa rin nina US President Barack Obama and Secretary of State John Kerry na dumalo sa summit sa France.

By: Jonathan Andal

November 15, 2015 0 comment

NATIONAL NEWS

Eiffel Tower at iba pang lugar sa France sarado matapos ang magkakasunod na terrorist attacks

written by DWIZ 882

Hindi muna pinapayagan na mabisita ngayon ng mga turista ang Eiffel tower sa France.

Ipinatupad ito ng mga awtoridad doon kasunod ng hiling ng gabinete ng France matapos silang magsagawa ng emergency meeting dahil sa kabi-kabilang pag-atake sa Paris.

Sarado din muna ngayon ang Louvre museum at Musee D’Orsay pati na ang ilang concert halls, museums, libraries, eskwelahan at iba pa.

Hindi pa matiyak sa ngayon kung hanggang kailan mananatiling sarado ang mga nabanggit na lugar.

Ayon sa post attack assessment ng mga awtoridad sa France, hindi target ng mga pag-atake ang mga kilalang tourist destination tulad ng Eiffel Tower.

Ang pagsasara ng Eiffel Tower ay pre-emptive measure lamang at bahagi ng pinaigting na seguridad sa buong France kasunod ng terror attack.

Higit 24-oras ng ipinatutupad ang mahigpit na border security papasok at palabas ng France.

By: Jonathan Andal

November 15, 2015 0 comment

HEADLINES

Walang Pinoy na nadamay sa Paris terrorist attacks-Phl Embassy

written by DWIZ 882

Muling tiniyak ng Philippine Embassy sa France na walang Filipinong nasawi o nasugatan sa pag-atake ng Islamic State of Iraq and Syria sa Paris.

Ayon kay Philippine Ambassador to France Maria Theresa Lazaro, wala naman silang natatanggap na ulat na may mga nadamay na Pinoy.

Sa panayam ng DWIZ, pinayuhan ni Lazaro ang mga OFW at mga kababayan na nasa France na huwag munang lumabas ng bahay, manatiling alerto at i-monitor ang sitwasyon sa pamamagitan ng radyo at telebisyon.

Patuloy anya ang assessment ng French government sa security situation sa Paris matapos ang pambobomba at pamamaril ng mga ISIS member na ikinasawi na ng 127 katao.

Tinatayang 12,000 ang bilang ng mga Pinoy na naninirahan o nagtatrabaho sa Paris pa lamang.

By: Drew Nacino

November 15, 2015 0 comment

HEADLINES

Mga kandidato at pulitiko pinagbawalan ng makisawsaw sa CCT program ng gobyerno

written by DWIZ 882

Pagbabawalan na ang mga kandidato o pulitiko na makisakay sa 4Ps o Pantawid Pamilyang Pilipino Program ng gobyerno tuwing mayroong cash distribution.

Ayon kay Social Welfare Secretary Corazon “Dinky” Soliman, hindi na pahihintulutang magtalumpati ang mga pulitiko sa harap ng mga benepisyaryo ng 4PS upang hindi ito magamit sa kampanya.

Ipinaliwanag ni Soliman na ang 4PS ay proyekto ng gobyerno at hindi ng mga pulitiko.

Dagdag ng kalihim, dapat hintayin ng mga kandidato o pulitiko na matapos ang pamamahagi ng cash subsidy, maka-uwi ang mga personnel ng DSWD at humingi ng pahintulot bago mag-talumpati.

By: Drew Nacino

November 15, 2015 0 comment

HEADLINES

Ligalisasyon ng Marijuana dapat talakayin sa presidential debate

written by DWIZ 882

Isinulong ng grupong Philippine Cannabis Compassion Society na isama ang ligalisasyon ng paggamit ng marijuana bilang lunas sa ilang sakit sa issue na dapat talakayin sa presidential debates.

Ayon kay Kimmi del Prado, founder ng naturang grupo, nais nilang malaman ang pananaw ng mga presidential candidates sa kontrobersyal na issue.

Naniniwala si del Prado na maaaring mabigo ang kongreso na ipasa ang House Bill 4477 o Compassionate Use of Medical Cannabis Act subalit hindi anya sila nawawalan ng pag-asa na aaprubahan ito ng susunod na administrasyon.

Ipinaliwanag ni del Prado na kapos na sa oras upang isabatas ang nasabing panukala dahil nakatutok ang mga mambabatas sa ibang usapin gaya ng Bangsamoro Basic Law, territorial dispute at campaign period.

By: Drew Nacino

November 15, 2015 0 comment

NATIONAL NEWS

Bilang ng cancelled flights para sa APEC nadagdagan pa

written by DWIZ 882

Nadagdagan na naman ang mga kanselado ng flight ng Cebu Pacific Airlines kasabay ng idaraos na Asia Pacific Economic Cooperation o APEC meetings.

Ayon sa Cebu Pacific, karagdagang 144 na biyahe ang kanilang kinansela simula November 16 hanggang 20.

Bukod pa ito sa 262 flights na naunang inanunsyo ng cebu pacific.

Samantala, 16 pang flights ang kinansela ng cebgo simula Nobyembre 16 hanggang 20.

By: Drew Nacino

November 15, 2015 0 comment

NATIONAL NEWS

P860 M fund mula Germany gagamitin ng bansa para sa mga programa vs climate change

written by DWIZ 882

Tinatayang 860 million pesos na pondo mula sa germany ang matatanggap ng pilipinas para sa climate change mitigation and adaptation projects.

Ayon kay Climate Change Commission Assistant Secretary Joyceline Goco, nangako ang Germany na popondohan nito ang naturang proyekto na sisimulan sa susunod na taon.

Katuwang ng CCC ang International Development Company ng Germany na Giz, na naglunsad naman ng support CCC 2 project na layong patatagin ang mga hakbang ng Pilipinas upang mabawasan ang epekto ng climate change.

Tiniyak anya ng German government na ipagpapatuloy nito ang pagtulong sa Pilipinas sa pagpapanitili ng pag-unlad at makamit ang sustainable development lalo’t malaki ang epekto ng mga kalamidad sa ekonomiya.

By: Drew Nacino

November 15, 2015 0 comment

Newer Posts

Older Posts