June 2026

All systems go na ang mga ikakasang protesta sa mismong araw ng Asia Pacific Economic Cooperation leader’s meeting.

Ayon kay dating Bayan Muna Representative Teddy Casiño, na isa rin sa mga lider ng people’s campaign against APEC and imperialist globalization o PCAIG, hindi magiging hadlang ang virtual ban ng gobyerno sa mga protesta para silay  makapag martsa sa ilang mga kalsada sa metro manila sa panahon ng APEC summit.

Kanila anyang ipagsisigawan na kayang makabuo ng maganda at mas mahusay na mundo kahit walang APEC o Asia Pacific Economic Cooperation.

Ayon kay Casiño, alam nilang haharangan sila at pipigilin na maihayag ang kanilang mga saloobin pero hindi anya ito magiging dahilan para silay hadlangan sa pagmamartsa.

Magsisimula anya ang kanilang rally sa Bonifacio Park s a Manila at susubukan nilang makalapit sa APEC summit venue sa Philippine International Convention Center sa Pasay City.

Kabilang sa mga inaasahang sasali sa martsa ay ang mga miyembro ng ibat ibang labor unions, farmers associations, indigenous peoples communities, at grupo ng ibat ibang sektor na apektado ng trade at investment policies ma sinusuportahan ng APEC.

By: Jonathan Andal

Mayroon nang nanalo sa jackpot prize ng Philippine Charity Sweepstakes Office 6/42 lotto

Ayon kay PCSO General Manager Jose Ferdinand Rojas, solong napanalunan ng mananaya na taga-Leyte ang premyo na P33.4 Million.

Ang winning combination number sa draw kagabi ay 19-21-02-31-15-14

Wala namang nakakuha ng jackpot prize na 30 million pesos sa grand lotto 6/55.

By: Jonathan Andal

21 beses na mas matindi ang preparasyon ngayong Asia Pacific Economic Summit kumpara noong bumisita ang Santo Papa sa bansa.

Ito ang inihayag ni MMDA Chairman Emerson Carlos, tatlong araw bago ang apec leaders meeting dito sa metro manila.

Ayon kay Carlos,  noong papal visit, tanging si Pope Francis lamang ang tinutukan ng husto ng security forces ng bansa.

Pero ngayong APEC anya, 21 economic leaders ang kailangan nilang matiyak ang seguridad,mula sa pagdating at pag-alis ng mga ito.

Tiniyak naman ni Carlos na plantsado na ang mga plano ng MMDA at nagsimula na ring ipakalat ang kanilang aabot sa 2,500 na mga tauhan.

Mula anya kahapon ay 24 oras na ang trabaho ng MMDA Hanggang sa pagtatapos ng APEC week sa biyernes.

By: Jonathan Andal

Dead on arrival ang bunsong anak ni Ilocos Norte 1st District Rep. Rodolfo Fariñas matapos sumalpok sa isang concrete barrier sa National Highway sa Barangay Buyon, Loag city ang sinasakyan nitong motor kaninang madaling araw.

Kinilala ang biktima na si Jr Fariñas, 20 anyos, bunsong anak ni Cong Fariñas sa dating beauty queen na si Maria Teresa Carlson.

Batay sa inisyal na impormasyon, tumilapon ang biktima dahil sa lakas ng pagkakabangga at nasunog pa umano ang motor nito.

Sa Instagram post naman ng kapatid ng biktima na si ilocos Norte board member ria Fariñas, inihayag nito ang kanyang pagmamahal sa kapatid.

By: Jonatahan Andal

Nasa kustodiya ngayon ng mga pulis sa France ang tatay at kapatid ng French gunman na inuugnay sa mga serye ng madugong pag-atake sa Paris nitong Biyernes ng gabi.

Ayon sa impormante ng Agence France Presse, hinalughog ng mga otoridad ang bahay ng 29 anyos na gunman pati na ang mga bahay ng kaibigan at kamag-anak nito.

Nasa 130 kilometro mula sa silangan ng paris ang bahay ng ama ng gunman, habang ang kapatid naman nito ay nasa timog bahagi ng Paris sa Essone region.

Ayon pa sa source kusang nakipag-ugnayan sa mga otoridad ang kapatid ng gunman.

Ayon naman kay Paris Prosecutor Francois Molins, 7 gunmen, na hinati sa 3 grupo, ang napatay sa mga pagatake. 6 sa kanila ay piansabog mismo ang kanilang sarili habang ang isa naman ay nabaril ng pulis.

By: Jonathan Andal

Simula bukas hanggang Biyernes isasara ang mga kalsada mula at papunta sa Philippine International Convention Center o PICC kung saan gaganapin ang Asia Pacific Economic Cooperation Economic leaders meeting.

Batay sa inilabas na advisory ng Manila District Traffic Enforcement unit at Manila Traffic Parking Bureau, sarado mula 12:01 ng madaling araw mamaya hanggang 12:00 ng madaling araw sa Biyernes ang mga sumusunod na kalsada:

Ang buong kahabaan ng  Roxas Boulevard North at Southbound Lane mula Katigbak hanggang P. Ocampo;

Buong kahabaan ng Roxas Boulevard service road mula Sta.Monica st. Hanggang p. Ocampo;

Ang kahabaan ng Quirino Ave., mula Roxas Blvd hanggang Adriatico;

Ang kalsada ng Century Park St. Mula Adriatico hanggang Mabini St.;

Ang buong stretch ng Mabini St. Mula P. Ocampo hanggang Quirino Ave.;

Ang Southbound lane ng Adriatico mula Quirino Ave. hanggang Century Park st.;

Ang kahabaan ng P. Ocampo mula adriatico hanggang Roxas blvd.;

Ang kalsada ng MH Del pilar St. Mula Sta. Monica st. Hanggang Malvar St.;

At ang buong stretch ng Pedro Gil St., mula Roxas blvd hanggang Mabini St.

By: Jonathan Andal