44-08-34-16-01-13 (No Winner)
In any order
Jackpot Prize: Php 51,598,244.00
Nakiusap ang Philippine National Police sa publiko na iwasang magpakalat ng mga text messages na magdudulot ng alarma sa publiko.
Kasunod na rin ito ng umiikot s a text na baka mangyari sa bansa ang malagim na nangyari sa Paris, France.
Sinabi sa DWIZ ni PNP Spokesman Pol. Chief Supt. Wilben Mayor na hindi makakatulong ang mga ganitong mensahe .
“Sana naman po ay wag tayong gumawa ng ganoon dahil ayaw nating magkaroon ng alarma sa ating mga kababayan. Ang aming assurance dyan, nakita nyo naman ang paghahanda ng ating gobyerno, ang hiling na lang natin sa mga mamamayan ay makipagtulungan,” paliwanag ni Mayor.
No cash allowance on APEC
Samantala, nilinaw ng Philippine National Police na walang cash allowance na inilaan para sa mga pulis na magbabantay sa Asia Pacific Economic Coopertation (APEC) leaders’ summit.
“Ang ating kapulisan ay may meal package, ang katumbas po nyan P300 per day. Pero wala po yang cash allowance. Pangawala, base nga sa program ng ating Chief PNP, priority ang health, patuloy ang paglalagay ng vaccine.”
Matatandaang naintriga ang cash allowance ng mga pulis na nagsilbi noong Pope visit dahil bukod sa binawasan na ay matagal bago ito nakuha ng mga pulis.
By: Ailleen Taliping (patrol 23)
Patuloy na nagmo-monitor ang Embahada ng Pilipinas sa Paris, France para matukoy kung mayroong Filipinong nadamay sa malagim na terror attack na kumitil sa buhay ng mahigit isang daang katao at nakasugat ng maraming iba pa.
Sinabi ni Presidential Communications Secretary Sonny Coloma, nakikipag-ugnayan na ang Department of Foreign Affairs kay Ambassador Maria Theresa Lazaro para kumuha ng updates hinggil sa naganap na insidente.
Sinabi ni Coloma na wala pang report na may pilipinong nadamay o naapektuhan sa terror attack at inabisuhan na ang mga pinoy sa lugar na sumunod sa mga panawagan ng local authorities.
Tiniyak ni Coloma na nakahanda ang embahada na tumulong sa mga mangailangan ng pag-alalay kasunod ng naganap na terror attack.
By: Jonathan Andal
Natukoy na ng mga pulis sa France ang 1 sa 7 gunmen na nasa likod ng madugong serye ng pag atake sa Paris na ikinasawi ng hindi bababa sa 129 katao.
Nalaman ang pagkakakilanlan ng suspek na si Omar Ismail Mostefai, 29 na taong gulang, dahil sa daliring natagpuan sa Bataclan concert hall kung saan namatay ang karamihan sa mga biktima.
Batay sa impormasyon ng Agence France Presse, 8 beses nang hinatulan ng conviction si Mostefai dahil sa mga petty crime pero hindi pa ito nakulong.
Sa ngayon, nagpapatuloy pa rin ang imbestigasyon ng mga otoridad hindi lamang sa France kundi pati sa mga katabing bansa nito sa Europa.
Bago nito, una nang inako ng Islamic State jihadists ang naganap na mga suicide attack sa Paris bilang kanilang tugon sa air strike ng France sa Islamic State sa Syria.
By: Jonathan Andal
Kasunod ng madugong terror attack sa Paris, France nitong Friday the 13th, mas malakas na military response kontra Islamic State of Iraq and Syria ang naging panawagan ng global community ngayon.
Sinabi ni U.S Senator Dianne Feinstein, ang mga krimen na naitala ng ISIS ay patunay lamang na lumalawak na ang kanilang sinasakupan at pag taas ng posibilidad na madagdagan pa ang serye ng mga malalagim na trahedya.
Ayon pa kay Feinstein, hindi sapat ang ginagawang hakbang at estratehiya ng Estados Unidos sa ilalim ni Pres. Barack Obama para mabigyan ng seguridad ang mga kaalyado nitong bansa.
Dahil dito, naniniwala ang mambabatas at counter terrorism experts na dapat nang mas higpitan at dagdagan pa ang hakbang upang masugpo ang naturang terorista.
Matatandaang bago ang serye ng pag atake sa Paris, iniuugnay sa ISIS ang pagbagsak ng Russian pasengger plane sa Sinai Peninsula na kumitil ng 224 buhay at ang dalawang suicide attacks sa Beirut na kumitil naman ng 43 na buhay.
By: Mark Gene Makalalad
Nag-alay ng panalangin ang onscreen couple ng Eat Bulaga na sina Alden Richards at Maine Mendoza a.k.a Yaya dub para sa nasawi sa pag–atake ng mga terorista sa Paris, France nitong Biyernes.
Gamit ang hashtag na Prayer for Paris, hinikayat ng dalawa ang kanilang twitter followers para makiisa sa malawakang panalangin para sa mga pamilya ng nasawi at nabiktima sa malagim na terror attack.
Nakiisa rin sa nasabing panawagan ang ilang kilalang personalidad, kabilang na sina KC Concepion at Solenn Heusaff na kapwa nanirahan sa Paris ng ilang taon.
Ipinahayag naman ng Kapamilya actors, Enchong Dee, Matteo Guidecelli, Rayver Cruz, Gretchen Barreto, Julia Baretto at Gerald Anderson, ang kanilang pagka lungkot para sa maituturing na ’10 horrific minutes’ na nangyari sa Paris.
Matatandaang, binalot nang lagim ang buong France matapos ang pamamaril at pambobomba ng Grupong Islamic State of Iraq and Syria o ISIS, na ikinasawi ng aabot sa 129 katao.
By: Mark Gene Makalalad
Nagluluksa din ngayon ang mundo ng sports sa Paris matapos ang mga pag-atake doon nitong Biyernes na ikinsawi ng hindi bababa sa 120 katao.
Bago mag-simula ang Euro 2016 Soccer Play off sa pagitan ng Sweden at Denmark sa Friends Arena sa Stockholm, iniliwan muna ng pula, puti at asul ang buong stadium
Kapwa nagsuot ng itim na armband ang 2 koponan at panandaliang nag-alay ng katahimikan para sa mga biktima ng terror attacks.
Isang minutong katahimikan at pagpapailaw din ng mga kulay ng bandila ng France ang isinagawa sa ibat ibat sporting events sa Ukraine, Australia at Amerika.
Kinansela naman ng European Professional Cup Rugby ang lahat ng Champions Cup at Challenge Cup games sa France ngayong weekend, gayundin ang lahat ng basketball at volleyball matches doon.
Ilalagay naman ng international Olympic committee sa half-mast ang olympic flag.
By: Jonathan Andal
Humihingi ng pang-unawa at kooperasyon ang Malakanyang sa publiko na maabala sa isasarang mga kalsada sa EDSA, Makati City hanggang Roxas Boulevard para maging ruta ng mga delegadong dadalo sa Asia Pacific Economic Cooperation (APEC) leaders summit.
Sinabi ni Presidential Communications Secretary Sonny Coloma na mahalagang ipakita sa mga dayuhang bisita ang mainit na pagtanggap ng mga Filipino dahil isang paraan ito para ipakita ang trademark na “Filipino hospitality”.
Nakiusap si Coloma sa mga motorista na iwasan ang mga apec lane para hindi maabala sa kanilang mga pupuntahan, dahil binibigyan ng prayoridad ang mga sasakyang nakatoka lamang sa APEC.
By: Aileen Taliping (patrol 23)
Sinisiguro ng Malakanyang na walang malalagpasan o walang magiging “loopholes” sa preparasyon sa gaganaping Asia Pacific Economic Cooperation (APEC) leaders meeting na dadaluhan ng mga world leaders simula sa November 18 hanggang 20.
Sinabi ni Presidential Communications Secretary Sonny Coloma na mahigpit ang direktiba ni Pangulong Aquino sa ipinatawag na emergency meeting ng security cluster noong Sabado sa bahay pangarap na itodo ang security preparations para sa APEC summit .
Personal aniyang tututukan ng pangulo ang lahat ng aspeto ng paghahanda partikular ang pagtiyak sa kaligtasan at katiwasayan ng publiko at mga dadalong lider kasama na ang libo libong delegado mula sa iba’t ibang bansa.
Sinabi ni Coloma na nais ni Pangulong Aquino na maging panatag ang kalooban ng mamamayan gayondin ang mga bisitang dayuhan sa kabila ng banta ng mga terorista na may kasunod pa ang ginawa nilang pag-atake sa Paris, France.
By: Aileen Taliping (patrol 23)
Nawalan na ng trabaho ang 56 na taong gulang na ginang na nahulihan ng bala sa kanyang bagahe noong nakaraang buwan sa Ninoy Aquino International Airport.
Ayon sa ulat, nalaman ni Ginang Gloria Ortinez na wala na siyang trabaho nang makarating ito sa Hongkong International Airport kagabi.
Sinabi kay Ortinez ng mga tauhan ng immigration doon na tinanggal na siya sa trabaho dahil nabigo itong makarating sa Hongkong sa petsa na inilgay niya sa kanyang mga papeles.
Sinabi naman ng mga tauhan ng Department of Labor and Employment na umaasa silang makausap ang employer ni Ortinez para mahikayat itong tanggapin muli ang ginang bilang kanilang domestic helper.
Kung matatandaan, nadakip si Ginang Ortinez noong Oktubre 25 sa NAIA dahil sa natagpuang bala sa kanyang bagahe, bagay na itinanggi ng ginang sabay giit na siya ay inosente.
Kalaunan ay pinakawalan din si Ortinez at ibinasura ng Department of Justice ang kasong isinampa dlaban sa kanya dahil sa kakulngan ng sapat na ebidensya.
By: Jonathan Andal