Hindi napag-usapan sa bilateral meeting nina Pangulong Noynoy Aquino at Canadian Prime Minister Justin Trudeau ang usapin sa basura ng Canada.
Ayon kay Presidential Communications Secretary Sonny Coloma, sa halip na pag-usapan ang garbage issue, nakapokus ang bilateral meeting sa pagpapaigting ng relasyon ng Pilipinas at Canada.
Tumagal lamang ng 30 minuto ang pag-uusap nina PNoy at Trudeau na ginanap sa Sofitel Philippine Plaza kagabi.
By Meann Tanbio
Pinangunahan ni Pangulong Noynoy Aquino ang welcome dinner sa mga lider ng bansang dumadalo sa APEC Summit na ginanap sa Mall of Asia sa Pasay City.
Isang engrandeng Filipino ambiance ang sumalubong sa mga economic leaders sa nasabing welcome dinner.
Suot ng mga economic leaders ang ipinagawang barong tagalog mula sa likha ng kilalang designer na si Paul Cabral.
Bukod sa mga pagkaing Pinoy na kasama sa menu, kinantahan din ng mga kilalang Filipino performers ang mga delegado ng APEC.
Bago nagsimula ang welcome dinner, nagkaroon pa ng pagkakataon ang Pangulong Aquino na pasalamatan ang mga performers kasabay ang tagubilin na galingan nila ang pagtatanghal.
By Meann Tanbio | Aileen Taliping (Patrol 23)
Sarado pa rin ang ilang pangunahing kalsada ngayong Huwebes, november 19 dahil sa APEC Summit.
Base sa abiso ng PNP Highway Patrol Group, isinara na kaninang alas-6:00 ng umaga hanggang alas-12:00 ng hatinggabi ang mga sumusunod: Edsa Ayala papuntang MOA; Roxas Blvd-NIA Road patungong Katigbak, Diokno Avenue mula Seaside Blvd. hanggang EDSA; at Macapagal Avenue mula ASEANA hanggang Buendia Extention.
Ipinabatid din ng PNP-HPG na sarado ang Roxas Blvd mula NAIA Road hanggang Terminals 1 at 2 mula alas-9:00 ng umaga hanggang alas-11:30 ng umaga; alas-12:00 ng tanghali hanggang alas-3:00 ng hapon; alas-5:00 ng hapon hanggang alas-8:00 ng gabi; at alas-10:00 ng gabi hanggang alas-11:00 ng gabi.
Samantala, sarado rin mula alas-4:00 ng hapon hanggang alas-8:00 ng gabi ang mula Magallanes papuntang SLEX hanggang Skyway diretso hanggang sa Terminal 3, gayundin ang East Service Road Exit.
By Meann Tanbio
Hindi pa tukoy ng Department of Foreign Affairs (DFA) ang pagkakakilanlan ng 14 na mga Pinoy na nasawi sa vehicular accident sa Saudi Arabia.
Ipinabatid ito sa DWIZ ni DFA Spokesman Assistant Secretary Charles Jose.
Aminado ang opisyal na hindi pa naipapaalam sa pamilya ng mga nasabing Pinoy ang sinapit ng kanilang mga mahal sa buhay.
“Very initial pa yung ulat na natanggap po natin galing sa ating embassy, patuloy pong nakikipag-ugnayan ang ating embassy with the employer para mas makakuha ng mas maraming details po sanangyari, di pa po nakukuha ang identification ng mga nasawi po kaya wala pa po tayong hawak na mga pangalan.” Pahayag ni Jose.
By Meann Tanbio | ChaCha
Nanguna si Senador Grace Poe sa pinakabagong presidential preference survey ng Pulse Asia.
Base sa survey na isinagawa ng Pulse Asia mula October 18 hanggang 29 sa may 3,400 respondents, si Poe ay nakakuha ng 39 percent.
Sinundan ito ni Vice President Jejomar Binay na may 24 percent, pangatlo ang standard bearer ng Liberal Party na si Mar Roxas na nakasungkit ng 21 percent.
Habang 11 percent naman ang kay Senadora Miriam Defensor-Santiago.
Ang naturang survey ay kinumisyon ng isang pribadong grupo.
Nagbigay naman ng pananaw ang kilalang political analyst na si Professor Antonio Contreras sa naturang usapin.
“Malinaw naman na talagang frontrunner pa din siya pero hindi pa nafa-factor dito yung effect ng mga isinampa naming mga petisyon dahil ang nandun pa lang na petisyon nung time na yun ay kay Rizalito David pero yung tungkol doon sa pagka-Presidente niya, wala pa” Pahayag ni Contreras.
By Meann Tanbio | Ratsada Balita
Nakakuha ng kakampi ang gobyerno sa ipinaglalabang karapatan sa mga teritoryo sa West Philippine Sea na inaangkin ng China.
Sinabi ni U.S. President Barack Obama na buo ang suporta ng kanyang gobyerno sa isinusulong na arbitration case ng Pilipinas laban sa China sa United Nations Arbitral Tribunal.
Sa joint press conference nina Obama at Pangulong Noynoy Aquino matapos ang kanilang bilateral meeting, kapwa inihayag ng mga ito na dapat tigilan na ng China ang ginagawang pag-aangkin ng mga teritoryo dahil banta ito sa katatagan ng rehiyong Asya.
Iginiit ni Obama na dapat mapayapang malutas ang hindi pagkakaintindihan sa West Philippine Sea nang naaayon sa batas.
Sa kasalukuyan, patuloy pa ring ipinaglalaban ng Pilipinas ang karapatan sa West Philippine Sea sa kabila ng malawakang reclamation activities na ginagawa ng China sa mga islang pag-aari ng bansa.
By Meann Tanbio | Aileen Taliping (Patrol 23)
Tulad ng ipinangako, naging gracious host si Pangulong Noynoy Aquino kay Chinese President Xi Jin Ping.
Bago magsimula ang Asia Business Conference Dialogue sa Philippine International Convention Center o PICC sa Pasay City, binasag ng Pangulong Aquino ang malamig na relasyon nila ng Presidente ng China makaraang batiin ito at nagpasalamat sa pagdalo nito sa APEC Summit.
Tumagal lamang ng 2 minuto ang pag-uusap ng dalawang presidente dahil tinawag na sila sa entablado.
Matatandaang may lamat ang relasyon ng Pilipinas at China dahil sa reclamation activities ng China sa West Philippine Sea na naging dahilan para maghain ang Pilipinas ng reklamo sa United Nations Arbitral Tribunal.
By Meann Tanbio | Aileen Taliping (Patrol 23)
Sa #SiyasatExpress, mga isyu na mahalagang matalakay sa APEC Summit.
08-06-35-29-13-36 (No Winner)
In any order
Jackpot Prize: Php 130,434,632.00
07-19-03-37-25-12 (No Winner)
In any order
Jackpot Prize: Php 6 Million