June 2026

Magbibigay ng 2 milyong Australian dollars o katumbas ng 67 milyong piso ang pamahalaan ng Australia sa Pilipinas.

Ito’y bilang suporta sa kampaniya ng pamahalaan ng Pilipinas sa pagsugpo sa online child pornography.

Ayon kay Australian Foreign Minister Julie Bishop, layunin nitong bigyan ng mas ligtas na online environment ang mga kabataang Pilipino.

Sinabi rin ng opisyal na tutulung sila sa rapid reaction team na tututok sa mas epektibong imbestigasyon, prosekusyon at pagbibigay tulong sa mga biktima ng online abuse.

Lumalabas sa mga datos na nangunguna ang Cebu sa mga lugar sa Pilipinas na may pinakamataas na insidente ng mga online child pornography sa mundo.

By  Jaymark Dagala | Aileen Taliping (Patrol 23)   

Isa ang sugatan sa pagsabog ng bomba sa isang pampasaherong van sa Davao City kaninang umaga.

Ayon kay Chief Inspector Milgrace Driz, Tagapagsalita ng Davao City Police, nangyari ang pagsabog nang dumaan ang van sa bahagi ng Matina District mag-aalas-10:00 kanina.

Pababa na ang mga sakay kasama na ang konduktor ng van nang mangyari ang pagsabog dahilan upang masugatan ito.

Patuloy naman ang imbestigasyon ng pulisya sa insidente habang tinutukoy na rin ang nasa likod nito.

By  Jaymark Dagala 

Matapos ang Amerika, nakipagpulong naman si Pangulong Benigno Aquino III kay Australian Prime Minister Malcolm Turnbull.

Bahagi ito ng serye ng mga bilateral talks ng Pangulo bilang side lights ng Asia Pacific Economic Cooperation o APEC Summit.

Dalawang kasunduan ang nilagdaan ng 2 lider, una ay ang comprehensive partnership agreement habang ang pangalawa ay ang memorandum of understanding on technical, vocational education and training.

Saklaw ng unang kasunduan ang mga usaping may kinalaman sa kalakalan, kultura at turismo habang pagpapalawak naman ng palitan ng kaalaman na may kinalaman sa technical vocation skills development ang pangalawang kasunduan.

By Jaymark Dagala | Aileen Taliping (Patrol 23) 

Nagsagawa ng sorpresang inspeksyon si PNP Chief Director General Ricardo Marquez sa iba’t ibang istratehikong lugar sa Kamaynilaan na may kinalaman sa APEC Summit.

Unang binisita ni Marquez na siya ring pinuno ng APEC Security Task Group ang Baclaran area sa Parañaque City at kinumusta nito ang mga miyembro ng PNP at AFP na nakatalaga sa lugar.

Ipinakita rin ni Marquez ang specialized raincoat o kapoteng isusuot ng mga naka-assign sa lugar bilang panangga sa ulan.

By Jaymark Dagala | Allan Francisco 

Sinabayan ng mga militanteng grupo ang pormal na pagdaraos ng APEC Summit ngayong araw.

Nagtipun-tipon ang iba’t ibang grupo sa espaniya at nagmartsa hanggang sa Quezon Bridge hanggang sa makarating sa bahagi ng Liwasang Bonifacio.

Maaga ring nagtungo sa Mendiola ang mga katutubong dumagat, mangyan at Lumad bitbit ang mga sulo.

Dahil dito, paralisado na ang mga nabanggit na kalsada sa lungsod ng Maynila dahil sa hinarangan na ito ng mga pulis at demonstrador.

Ayon kay Renato Reyes, Secretary General ng grupong Bagong Alyansang Makabayan o BAYAN, kanilang iginigiit ang pagbasura sa Apec dahil hindi naman ito pakikinabangan ng mga ordinaryong Pilipino.

By Jaymark Dagala | Aya Yupangco  

Sinusuyod na ng militar ang ilang lugar sa Jolo Sulu na posibleng pinagtapunan sa labi ng Malaysian national na sinasabing pinugutan ng Abu Sayyaf.

Ayon kay Brigadier General Alan Arrojado, ng Philippine Army, tinitignan na nila kung gaano ka-credible ang nakuha nilang intelligence report hingil sa pagpugot sa biktima na kinilalang si Bernard Then Ted Fen.

Si Bernard kasama ang isa pang babaeng Malaysian ay dinukot nuong buwan ng Mayo sa isang Chinese seafood restaurant sa Sabah Malaysia.

By Len Aguirre  

Pinalagan ni Ambassador Marciano Paynor, Director General ng APEC 2015 National Organizing Committee ang di umano’y P1 bilyong pisong pagkalugi ng mga airlines dahil sa APEC Summit.

Ayon kay Paynor, isang buong taon ang kabuuan ng APEC Preparatory Meetings sa iba’t ibang lugar sa bansa kaya’t malaki na ang kinita ng airlines bago pa sumapit ang leaders summit ngayong Nobyembre.

Binigyang diin ni Paynor na ang P10 bilyong pisong ginastos ng gobyerno sa APEC Summit ay naibalik rin sa pag-ikot ng ekonomiya ng bansa.

Tinukoy ni Paynor ang napakaraming hotels, restaurants, transportasyon at iba pa na kumita dahil sa APEC Summit.

“Ang mga transport equipped na nag-provide ng equipment dito, lahat ng mga fuel na ginamit natin dito, lahat po yaan ay binayaran ng gobyerno yan, therefore if you look at it in economic term, the government put in 10 billion into the economy and did not spend it.” Pahayg ni Paynor.

By Len Aguirre | Karambola