Monthly Archives

June 2026

Total lockdown ipinatupad sa mga pangunahing kalsada malapit sa APEC venues

Total lockdown ang ipinatupad ng pamahalaan sa lahat ng pangunahing kalsada na malapit sa mga lugar na pinagdarausan ng APEC meetings.

Mula alas-7:00 ng umaga, maaaring pahintuin anumang oras ang mga sasakyang daraan sa EDSA mula Ayala hanggang sa Mall of Asia, ang Roxas Blvd mula NAIA Road hanggang Katigbak, Diokno Blvd sa Seaside Blvd hanggang EDSA Intersection at Macapagal Avenue sa Arsenia hanggang Buendia Extention.

Sarado naman mula alas-9:00 ng umaga hanggang alas-11:00 ng umaga ang northbound lane ng Skyway hanggang Magallanes Ramp mula NAIA Terminal 3 hanggang EDSA Arnaiz-Pasay Road.

Alas-10:30 naman ipinatupad ang total lockdown sa NAIA Terminal 1 hanggang NAIA Road na patungo sa Roxas Blvd.

By Len Aguirre

November 18, 2015 0 comment

HEADLINES

Obama sa mga negosyante: Mag-invest sa renewable energy vs climate change

written by DWIZ 882

Hinikayat ni US President Barrack Obama ang mga negosyante na tignan bilang malaking oportunidad sa negosyo ang hamon ng climate change.

Sa kanyang talumpati sa APEC CEO Summit, inamin ni Obama na hindi kakayanin ng mga pamahalaan na tugunan ang problema sa climate change kung hindi tutulong ang mga negosyante.

Ayon kay Obama, walang sinuman o anumang bansa ang immune sa epekto ng climate change kaya’t dapat magtulungan kung paano tutugunan ang malaking hamon na protektahan ang ating mundo laban sa pagkasira.

Kumbinsido si Obama na magreresulta sa pagiging masigla ng global economy ang ambisyosong kasunduan na target nilang makamit sa climate change summit sa Paris sa katapusan ng Nobyembre.

West Philippine Sea

Samantala, target ni U.S. President Barrack Obama na makausap ang lahat ng claimants sa pinag-aagawang mga teritoryo sa West Philippine Sea upang maresolba na ang gusot.

Bahagi ito ng pahayag ni Obama sa naging pag-uusap nila ng Pangulong Noynoy Aquino sa sidelines ng Asia Pacific Cooperation Summit.

Ayon kay Obama, dapat nang ihinto ng Tsina ang ginagawa nitong reclamation sa pinag-aagawang mga teritoryo sa West Philippine Sea.

Kasabay nito ay pinagtibay pa ni Obama ang pangako ng Amerika na tumulong sa depensa at seguridad ng Pilipinas.

By Len Aguirre

November 18, 2015 0 comment

HEADLINES

Isa pang suspek sa Maguindanao massacre nasakote

written by DWIZ 882

Bumagsak sa kamay ng Saranggani Police ang isa sa mga suspects sa Maguindanao massacre na nangyari noon pang 2009.

Ayon kay Senior Supt. Hector Grijaldo Jr., Deputy for Operations ng Saranggani Provincial Police Office, nakuha nila ang suspect na si Denga Oman Mentol sa Sitio Kabangkalan Barangay Batotoling sa bayan ng Glan Saranggani Province.

Hindi anya nila matukoy kung kelan pa nagtatago sa Saranggani si Mentol dahil palipat-lipat ito ng lugar sa nakalipas na halos 6 na taon.

Sinabi ni Grijaldo na itinanggi ni Mentol na sangkot siya sa pagmasaker sa 58 katao sa Maguindanao.

Inamin ng suspect na nagtrabaho sya sa Ampatuan family subalit hanggang 2006 lamang anya siya doon.

By Len Aguirre

November 18, 2015 0 comment

INTERNATIONAL NEWS

Pambobomba sa target na kuta ng Islamic State sa Syria dinoble ng Russia

written by DWIZ 882

Dinoble ng Russia ang biyahe ng kanilang warplanes para bombahin ang mga hinihinalang kuta ng IS o Islamic State sa Syria.

Ayon kay Russian Defense Minister Sergei Shoigu, 127 sorties ang nakalatag sa kanilang plano para sa mahigit 200 terrorist targets sa Syria.

Nagpasya ang Russia na paigtingin pa ang airstrikes laban sa Syria makaraang makumpirma na isang terror attack ang pagbagsak ng Russian passenger plane na bumagsak sa Egypt noong nakaraang buwan.

By Len Aguirre

November 18, 2015 0 comment

NATIONAL NEWS

Gastos at lugi sa APEC posibleng lumagpas pa sa P10-B

written by DWIZ 882

Understated o kulang ang halagang ipinangangalandakan ng gobyerno na ginastos para sa Asia Pacific Economic Cooperation o APEC Summit.

Ayon kay dating National Treasurer Leonor Briones, ito’y dahil sa hindi pa isinama ng gobyerno ang pasuweldo sa libu-libong apektadong manggagawa sa pribadong sektor.

Kaya naman, sinabi ni Briones na posibleng lumagpas pa sa P10 bilyong ang maging gastos ng gobyerno gayundin ang pagkalugi ng mga negosyante dahil sa APEC.

Bukod dito, sinabi pa ni Briones na maaaring humingi ng taxable rate ang mga airline companies dahil sa limang araw na flight cancellation sa kasagsagan ng nasabing summit.

Dahil dito, tahasang sinabi ni Briones na walang saysay ang APEC dahil wala naman aniyang pakinabang dito ang mahahalagang sektor tulad ng agrikultura na siyang pangunahing kailangan ng bansa.

By Jaymark Dagala

November 18, 2015 0 comment

NATIONAL NEWS

Paghatol kay Pemberton gagawin sa Disyembre 1

written by DWIZ 882

Binago ng Olongapo City Regional Trial Court Brach 74 ang petsa ng pagbaba ng hatol kay US Marine Lance Corporal Joseph Scott Pemberton.

Taliwas sa naunang pahayag ng korte na Nobyembre 24, nagpasya ang hukom na si Roline Ginez – Jabalde na sa Disyembre 1 na ito gawin.

Layunin ng nasabing pagpapaliban sa pagbaba ng hatol ay para makalikom ng iba pang dokumento, ebidensya at testimoniya na may kinalaman sa kaso ng pagpatay sa transgender woman na si Jennifer Laude.

Kinakailangan kasing madesisyunan agad sa loob ng isang taon ang kaso ni Pemberton kundi ay mababasura ito batay sa umiiral na Visiting Forces Agreement na nilagdaan ng Pilipinas at ng Amerika.

By Jaymark Dagala

November 18, 2015 0 comment

NATIONAL NEWS

Pilipinas pang-siyam sa mga bansang pinakabantad sa terorismo

written by DWIZ 882

Isa ang Pilipinas sa mga bansang pinakabantad sa terorismo ayon sa pag-aaral ng Institute for Economics and Peace’s Global Terrorism Index for 2014.

Nasa ika-siyam na ranggo ang Pilipinas mula sa 162 mga bansa na nakahanay sa nasabing listahan.

Sa kabila nito, pumang-lima naman ang Pilipinas sa mga bansang may pinakamalaking pinagbago sa pagbaba ng bilang ng mga nasawi na may kaugnayan sa terorismo noong isang taon.

Noong isang taon kasi, bumaba sa 18 porysento o katumbas ng 240 bilang ng mga nasawi kumpara sa 291 na naitala naman noong 2013.

Gayunman, naitala pa ring pangalawang pinakamataas ang bilang ng mga nasawi dahil sa terorismo noong isang taon.

By Jaymark Dagala

November 18, 2015 0 comment

INTERNATIONAL NEWS

UN SecGen Ban Ki Moon bibisita sa NoKor sa unang pagkakataon

written by DWIZ 882

Nakatakdang bumisita sa kauna-unahang pagkakataon si UN Secretary General Ban Ki Moon sa North Korea.

Si Ban ay makikipagkita ngayong linggo kay North Korean Leader Kim Jong Un para pag-usapan ang nuclear weapons ng NoKor at iba pang usapin sa Korean Peninsula.

Ayon sa UN, handa palagi si Ban na maging tulay at makipagdayalogo sa NoKor para sa katatagan at kapayapaan sa Korean Peninsula.

By Ralph Obinam

November 18, 2015 0 comment

SPORTS

Boxing champ Miguel Cotto hinubaran ng WBC belt

written by DWIZ 882

Hinubaran na ng boxing belt si WBC Middleweight Champion Miguel Cotto, apat na araw bago ang nakatakdang laban nito kay Canelo Alvarez ng Mexico.

Ayon kay WBC President Mauricio Sulaiman, ito ay bunsod ng pagtanggi ni Cotto na pumirma sa kasunduan ng nalalapit niyang laban.

Nilinaw naman ni Sulaiman na tuloy ang bakbakang Cotto at Alvarez na inaasahang kikita ng milyong milyong dolyar.

Gayunman, sa oras na manalo aniya si Alvarez ay ito na aniya ang hahawak sa titulong tinanggal kay Cotto.

Wala pa namang komento ang kampo ni Cotto sa naging hakbang ng WBC.

By Ralph Obina

November 18, 2015 0 comment

INTERNATIONAL NEWS

Nasa 30 katao patay sa pagsabog sa Nigeria

written by DWIZ 882

Tinatayang 30 katao ang patay sa pagsabog sa siyudad ng Yola sa Nigeria.

Ayon sa report, nangyari ang pagsabog sa palengke sa Yola kung saan abala na ang mga tao sa pagsasara ng kanilang mga tindahan.

Noong Sabado lamang nang binisita ni Nigerian President Muhammadu Buhari ang Yola matapos ideklara nitong malapit nang matalo ng pamahalaan ang Islamist militant na Boko Haram.

Matatandaang noong nakaraang taon, dalawang beses din binomba ng Boko Haram ang siyudad ng Yola.

By Ralph Obina

*Photo grabbed from: Reuters

November 18, 2015 0 comment

Newer Posts

Older Posts