Malabong bumaba sa 20 pesos kada kilo ang presyo ng bigas sa susunod na taon.
Ito ang sinabi ni Samahang Industriya at Agrikultura (SINAG) Chairman Rosendo So sa pahayag ng Department of Agrarian Reform (DAR) na target nitong magbenta ng mas murang bigas sa unang kwarter ng 2023.
Sa panayam ng DWIZ, paliwanag ni So na ito ay lalo kung walang subsidiya ang pamahalaan dahil sa pagtaas ng presyo ng mga pataba, cost of production at pagsirit ng presyo ng produktong petrolyo.
Samantala, pabor si So na taasan ang pondo para maabot ang target na food sufficiency ng bansa sa kabila ng kakulangan sa suplay ng pagkain dahil sa patuloy na giyera sa pagitan ng Ukraine at Russia.
