Konektado sa Maute Group ang mga suspek sa tangkang pagpapasabog malapit sa US Embassy sa Maynila.
Ito ang kinumpirma ni Philippine National Police (PNP) Chief Ronald ‘Bato’ dela Rosa matapos iprinisinta sa publiko ang nahuling dalawa mula sa limang suspek na kinilalang sina Rayson Kilala alyas Rashid at Jiaher Guinar alyas Cali.
Ayon kay Dela Rosa, manipis na ang posibilidad na nasa Metro Manila ang tatlong natitira pang nakalalayang mga suspek at posibleng nakauwi na ng Lanao ang mga ito.
Ang mga nahuling suspek ay nakatakdang dalhin ngayon sa Manila Police District (MPD).
Bahagi ng pahayag ni PNP Chief Ronald dela Rosa
By Ralph Obina
Photo Credit: PNP-PIO
