Nakatakdang i-turn-over ng Cebu City Police Office sa Chinese Embassy ang 2 suspek sa pamamaril at pagpatay sa 2 Chinese diplomat sa isang restaurant sa nabanggit na lungsod, kahapon.
Kinilala ang mga biktimang sina Li hui, finance officer sa Chinese Consulate at Sun Shen na Deputy ni Consul-General Song Rong Hua na nasugatan naman sa pamamaril.
Gayunman, tumangging magbigay ng karagdagang detalye ang pulisya bilang respeto sa kasunduan sa pagitan ng Pilipinas at China na bigyan ng diplomatic immunity ang 2 suspek na pawang mga Chinese rin.
Ipagpapaliban din ang paghahain ng kaso laban sa mga nasa likod ng krimen na sina Li Qing Liang at Guo Jing at hihintayin muna ang official announcement mula sa Department of Foreign Affairs.
Base sa inisyal na imbestigasyon, personal o paghihiganti ang sinasabing motibo sa krimen.
By: Drew Nacino