Sugatan ang dalawang indibidwal matapos tamaan ng ligaw na bala sa Abra sa gitna ng pagdiriwang ng bagong taon.
Ayon kay Police Regional Deputy Regional Director for Operations PCol. Ronald Gayo, 72 oras ang ibinigay niya sa kanyang mga tauhan upang hagilapin ang mga nagpapaputok ng baril.
Nakakalungkot anya dahil may dalawang katao ang naitala dahil sa ligaw na bala.
Samantala, batay sa pinakahuling datos ng Department of Health (DOH) na sumampa na sa 137 ang fireworks-related injuries sa bansa. —sa panulat ni Jenn Patrolla
