(Story by Ron Lozano / via Raoul Esperas)
Nauwi sa madugong engkuwentro ang ginagawang surveillance ng dalawang miyembro ng Kapulisan laban sa pinaghihinalaang miyembro ng isang robbery group sa Laurel Batangas bandang alas-4:20 ng Huwebes ng hapon.
Patay si Senior Inspector Alvin Kison, naka-assign sa Batangas Police Intelligence Unit at ang kasamang pulis na si SPO2 Edilberto Eje matapos silang salubungin ng putok ng mga pinaghihinalaang suspek.
Ayon kay Police Supt. Alden Delvo, Provincial Director ng Batangas, nangyari ang insidente sa Brgy. Berinayan bayan ng Laurel.
Target sana ng mga nasabing pulis sa surveillance ang mga naturang suspek subalit nauwi sa madugong engkwentro sa pagitan ng dalawang panig.
Napatay rin ng mga pulis ang dalawang suspek na kinilalang sina Erwin Arriola at Daren Suarez.
Ang napatay na police official na si Kison ay graduate ng Philippine National Police Academy Class of 2014 at nakatalaga sa Batangas Police Intelligence Unit.
—-
