Aminado si 1Sambayan convenor Atty. Howard Calleja na nababagalan pa sila sa pagkilos ng Independent Commission on Infrastructure sa kabila nang paghahain ng kaso laban sa mga sinasabing sangkot sa maanomalyang flood control projects.
Naniniwala si Atty. Calleja, tagapagsalita rin ng Trillion Peso March, na bukod sa mga naihain nang mga kaso ay dapat madagdagan pa ang mga ito at makasuhan din ang mas malalaking personalidad na sangkot sa nasabing kontrobersya.
Dagdag pa ng abogado, dapat simulan ng ICI ang imbestigasyon sa mga maanomalyang infrastructure project sa taong 2016.
Iginiit ni Atty. Calleja na kung papaspasan ang imbestigasyon ng ICI ay maiiwasan ang “white-washing” o ang pagtatago sa katotohanan.
