Kinumpirma ng Philippine Consulate sa Jeddah na 2 Pinay ang nakakulong ngayon sa Saudi Arabia dahil sa pagpatay sa kanilang babaeng amo noong Nobyembre.
Gayunman, ayon kay Vice Consul Alex Estomo, head ng Assistant to National Section ng Philippine Consulate sa Jeddah, umaasa silang makakalaya na ang isa sa dalawang Pinay makaraang akuing lahat ng kasama niyang Pinay ang krimen.
Batay anya sa salaysay ng isa sa mga Pinay na kinilala lamang sa pangalang Rina, inatake sila ng kanilang employer kayat ipinagtanggol lamang niya ang sarili.
At bagamat inamin anya ni Rina ang krimen, iginiit naman nito na inosente sa krimen ang kanyang kasamang Pinay dahil nagkulong ito sa kwarto nang atakihin sila ng amo.
Labing apat (14) na saksak ang tinamo ng amo ng dalawang Pinay na agad ikinasawi nito.
By Len Aguirre