Kinasuhan sa Ombudsman ang dalawang mayors mula sa Pampanga dahil sa pagbebenta ng mahigit apat na libong (4,000) baboy at mga biik.
Ang mga nabentang baboy ay nagmula di umano sa Jeowang Farm na nagsilbing front ng shabu laboratory na sinalakay ng Philippine Drug Enforcement Agency o PDEA noong Setyembre ng nakaraang taon.
Ang mga inireklamo ni PDEA NCR Director Wilkins Villanueva, ay sina Magalang Pampanga Mayor Maria Lourdes Lacson na nagbenta ng mga baboy kay Bacolor Mayor Jose Maria Hizon na kumatawan sa Pampanga’s Best na pag-aari ng kanilang pamilya.
Batay sa reklamo ni Villanueva, nakumpiska ng PDEA ang mga baboy at nagsisilbi itong ebidensya laban sa pitong (7) Chinese nationals na nadakip sa shabu laboratory na nakatago sa piggery.
Wala rin anyang karapatan si Lacson na ibenta ang mga baboy dahil pag-aari ito ng pribadong tao at hindi ng pamahalaang lokal ng Magalang.
By Len Aguirre | Report from: Jill Resontoc (Patrol 7)