Ipinasara na ng Makati ang City-Local Government Unit ang Berjaya Makati Hotel kung saan naka-quarantine ang tinaguriang Poblacion Girl na si Gwyneth Anne Chua.
Sinabi ni Jun Salgado ng Makati Public Information Office (PIO), wala ng dahilan para mag-operate pa ang Berjaya Makati Hotel dahil ang operasyon nito ay isang quarantine facility.
Dahil dito, agad na ipinaskil ang closure order sa pinto ng Berjaya na mananatili maliban na lamang kung babawiin ito ng dot.
Ngunit agad na pumalag ang pamunuan ng Berjaya at iginiit na walang basehan ang ginawang pagkandado ng Makati-LGU sa establisyemento.
Bukod dito, sinabi pa ng pamunuan ng Berjaya, ang suspensyon ng dot ay hindi pa epektibo at walang batas na nagpaparusa sa mga hotel kung hindi nai-report ang paglabag ng kanilang guest sa quarantine protocols.
Umaasa ang Berjaya na dadaan sa tamang proseso ang lahat bago ipatupad ang closure order sa naturang hotel.
