Nakatakda nang maghain ng early retirement si outgoing Philippine National Police (PNP) Chief Dir./Gen. Ricardo Marquez sa Hunyo 28.
Mas maaga ito ng dalawang buwan sa kanyang mandatory retirement na Agosto 28 na siya ring kaarawan ni Marquez.
Dahil dito, pansamantalang hahalili kay Marquez sa puwesto si Deputy Director Francisco Uyami Jr.
Maliban kay Marquez, maghahain din ng kanyang early retirement si Police Deputy Dir./Gen. Danilo Constantino sa darating na araw ng Biyernes.
Si Constantino ay mistah ni Marquez sa Philippine Military Academy o PMA Batch 1982.
By Jaymark Dagala | Jonathan Andal (Patrol 31)