Inilagay sa lookout bulletin ng Bureau of Immigration o BI ang dalawang Filipino-Chinese businessman na isinasangkot sa smuggling ng shabu na nagkakahalaga ng P6.4 billion pesos.
Ayon kay Immigration Spokesperson Ma. Antonette Mangrobang, kabilang sa inilagay sa watch list si Chen Ju Long o mas kilala bilang Richard Chen at Dong Yi Shen o Kenneth Dong.
Sa ilalim ng watch list o lookout bulletin ng Bureau of Immigration, maaari pa ring lumabas ng bansa pero kinakailangang sumunod sa ilang kondisyon at requrements, kabilang ang pagkuha ng clearance mula sa Department of Justice o DOJ.
By Meann Tanbio
