18 kaso ng Delta variant ang naitala sa Laguna.
Ito ang kinumpirma ni Laguna Governor Ramil Hernandez.
Sa kaniyang facebook post, sinabi ni Hernandez na maaaring nakarekober na o cleared na ang pasyente dahil umaabot ng dalawang hanggang tatlong linggo bago malaman kung ano ang variant ng COVID-19 na tumama sa pasyente.
Gayunman sinabi ni Hernandez na hindi pa rin nawawala ang posibilidad na sila ay maaaring nakahawa bago na-test at naka rekober lalo na kung ito ay nagkaroon ng exposure at close contact.
Kaya naman pinag-iingat ng gobernador ang lahat kahit ang mga fully vaccinated na.
