Natagpuan na ang nawawalang 17 anyos na dalagitang si Ica Policarpio matapos ang tatlong araw na paghahanap.
Ayon sa pulisya ligtas na nakita si Policarpio sa San Pablo City Laguna.
Ini-upload naman sa Facebook ng kapatid ni Ica na si Bea Policarpio ang litrato ni Ica habang yakap-yakap ang isang miyembro ng kanilang pamilya.
Nagpasalamat si Bea sa lahat ng tumulong na mahanap ang kanyang kapatid.
Ipinauubaya na anya nila sa pulisya ang pagiimbestiga sa pagkawala ni Ica.
Sa ngayon humihingi muna ng privacy ang kanilang pamilya.
Noong huwebes, iniulat na nawawala si Policarpio na huling nakita sa isang convenience store sa Muntinlupa City.
Photo Credit: Bea Policarpio Twitter
