Labing-anim na bilanggo ang namamatay kada buwan sa New Bilibid Prison (NBP), mula pagpasok ng taong 2022 hanggang nitong Oktubre.
Ito ang sinabi ng top forensic pathologist na si Dr. Raquel Fortun, base sa kaniyang pagsusuri sa labi ng 176 na inmates sa Bilibid na hindi na kinuha ng kanilang pamilya at nakatambak sa Eastern Funeral Services.
Ayon kay Fortun, noong Marso ngayong taon ang buwan na may pinakamaraming namatay sa Bilibid na may 24, habang noong Abril ang pinaka-kaunti na may 10.
Sa kabuuang bilang ng labi na sinuri ni Fortun, edad 56 ang karaniwang edad, habang edad 82 ang pinakamatanda at 27 ang pinakabata.
