Labing lima ang nasawi habang sugatan naman ang apat pang indibidwal matapos ang pagsabog sa Kandahar Province sa Afghanistan.
Base sa impormasyong nakuha ng mga otoridad, posibleng noong nakaraan pa itinanim ng mga armadong kalalakihan ang mga land mine o mga pampasabog sa lugar.
Bukod pa dito, nagkaroon din ng pamamaril at karahasan sa mga biktima.
Nabatid na noong nakaraang taon, daan-daang katao din ang pinatay sa hindi malamang dahilan.
Sa ngayon, inaalam pa ng mga otoridad ang pagkakakilanlan at motibo ng mga suspek.
