Napatay ng security forces ang umano’y hardline leader ng isang grupong may kaugnayan sa ISIS o Islamic state sa Sulawesi island sa Indonesia.
Ayon kay Central Sulawesi regional military chief Brigadier General Farid Makruf, nanlaban sa joint operation ng militar at pulisya si Ali Kalora ng East Indonesia Mujahideen o MIT na ikinasawi ng suspek.
Nabatid na napatay din sa operasyon ang isa pang lider na si Jaka Ramadhan o mas kilala bilang Ikrima habang tinutugis pa ang apat pang miyembro ng grupo.
Narekober naman sa encounter site ang ilang pampasabog, isang M16 rifle at dalawang tabak o machete.