Labinlima (15) ang patay sa panibagong airstrike na inilunsad ng Syrian government sa Idlib City kahit may umiiral na ceasefire na ipinatupad simula noong Disyembre.
Ang naturang lugar ay kontrolado ng mga rebelde maging ng ilang paksyon ng grupong ISIS.
Itinanggi naman ng Russian Defense Ministry na sila ang nagsagawa ng airstrike dahil wala pa silang kahit isang aerial operation na inilulunsad ngayong taon.
Samantala, nagkakasakit na umano ang mga miyembro ng ISIS sa Mosul, Iraq dahil sa daan-daang nabubulok na bangkay na ikinalat ng militar sa mga kalsada.
Ito’y bilang bahagi ng psychological warfare ng Iraqi forces upang mapigilan ang ISIS na makapag-recruit ng mga bagong miyembro.
Dalawang linggo ng nakatambak sa mga kalsada ang mga naaagnas na bangkay kabilang ang iba’t ibang bahagi ng katawan na may peligrong kaakibat sa kalusugan habang ang iba sa mga labi ay may nakakabit pang bomba.
By Drew Nacino
Photo Credit: Reuters
