Arestado ang 13 indibidwal sa magkakasunod na operasyon ng Bulacan police nitong Sabado at kaninang madaling araw.
Batay sa ulat ni Bulacan PNP Acting Provincial Director Police Col. Rommel Ochave, pitong drug suspek ang naaresto ng pulisya sa magkakaibang buy-bust operation ng Station Drug Enforcement Units (SDEU) Baliwag, Guiguinto, Bulakan, Calumpit and Pandi Municipal Police Station.
Kinilala ang mga naturang suspek na sina Mark Tandog, Robert Francisco, Normando Oabina, Manuel Regalado, Juanita Nolasco at Revinzor Cabacan.
Samantala 3 pang pinaghahanap ng batas ang naaresto sa serye ng manhunt operations na kinilalang sina Antonio Marphy, Noli Dignos at Jose Rico Roxas ng Bulakan, Bulacan matapos mahuli sa ilegal na pagsusugal na cara cruz.
Ang lahat ng mga akusado ay kasalukuyang nasa ilalim na ng kustodiya ng arresting unit/stations para sa tamang disposisyon.
