Pinaalalahanan ng Department of the Interior and Local Government (DILG) ang mga nakaupong gobernador at alkalde na buuin na ang kani-kanilang Local Governance Transition Team (LGTT) para matiyak ang maayos na turnover ng pamumuno pagkatapos ng halalan sa Mayo.
Sinabi ni DILG Undersecretary Epimaco Densing na dapat ang LGTT ay binubuo ng gobernador o mayor, kalihim ng sangguniang panglungsod o panglalawigan, kinatawan ng DILG at kinatawan ng isang civil society organization sa lugar ang mga department heads.
Dagdag pa niya na dapat na inaayos na ng mga nabanggit na indibidwal ang imbentaryo at listahan ng kagamitan ng mga lokal na gobyerno gayundin ang mga dokumento, mga kautangan, kontrata, COA reports at governance assessment report para maipasa nang maayos sa susunod na mamumuno sa lokal na pamahalaan.
Samantala, nakatakda hanggang Abril a-siyete ang pag-buo ng naturang transition team. – sa panulat ni Airiam Sancho