Umarangkada na ngayong araw ang kampanya para sa mga lokal na kandidato sa Halalan 2022.
Tinatayang 4,000 pulis ang ipinakalat ng National Capital Region Police Office (NCRPO) sa Metro Manila.
Sa lungsod ng Maynila, kabilang sa mga tumatakbo sa pagka-alkalde si dating Congressman Amado Bagatsing na nangakong tututukan ang pagpapaangat ng buhay ng mga Manileños.
Isusulong din ni Bagatsing ang libreng medical services at pagpapatayo ng mga karagdagang health centers, diagnostic centers, at laboratories para sa mga residente.
Si Bagatsing ang nagtatag ng organisasyon na Kabalikat ng Bayan sa Kaunlaran o KABAKA noong 1985 kung saan nakapagtatag na ito ng nasa pitumpung health centers at higit dalawampung day care centers.
