Nakatakdang lagdaan ni Pangulong Rodrigo Duterte sa Lunes ang kautusan para sa pagpapalaya ng 127 matatanda at may sakit na mga bilanggo na nakapiit sa national penitentiary.
Ang rekomendasyong ito ng Department of Justice ay bilang pagsunod na rin sa pangako ng Pangulo na pagpapalaya sa mga inmate na may edad 80-anyos pataas at mga bilanggong nakapagsilbi na ng nasa 40 taong sintensya.
Kabilang sa mga palalayaing inmates ay mula sa New Bilibid Prison at Correctional Institution for Women na nasa ilalim ng pamamahala ng Bureau of Corrections.
Matatandaang inihayag ni Justice Secretary Vitaliano Aguirre na may dalawang (2) preso ang inirekomenda nilang mabigyan ng absolute pardon at mayroon ding 100 iba pa para naman sa commutation ng kanilang sentensya.
By: Meann Tanbio / Bert Mozo
