Napasakamay na ng may 111 magsasaka sa Hacienda Luisita ang kanilang minimithing sariling lupa.
Inihayag ni Presidential Spokesman Ernesto Abella na naiaward na sa mga magsasaka ang Certificates of Land Ownership sa may 6,600 square meters ng lupain na matatagpuan sa Asturias, Bantog, Cut-Cut, Mabilog, Mapalacsiao, Motrico, Pando, at Parang sa Hacienda Luisita.
Bahagi lamang ang nasabing 111 magsasaka sa libu-libong magsasaka na nakatakdang makuha ang minimithing lupain na pag-aari dati ng pamilya Aquino.
Alinsunod ito sa naging kapasyahan ng Korte Suprema na ipamahagi sa mga magsasaka ng Hacienda ang kanilang matagal ng lupang sinasaka.
By: Avee Devierte / Aileen Taliping
