Nag-alok ng 100,000 pisong pabuya ang Manila Traffic and Parking Bureau para sa sinumang makapagtuturo sa mga nasa likod ng pamamaril at pagpatay sa kanilang team leader kamakalawa.
Ayon sa pinuno ng MTPB na si Dennis Alcoreza, posible aniyang may kinalaman sa trabaho ang motibo ng pagpatay kay Ruben Pangindian na namuno sa isang towing operation sa bahagi ng Parola Compound.
Hawak na ng Manila Police Districe Homicide section ang kopya ng CCTV sa isa pang kaso ng pagpatay sa isa pa nilang tauhan at ipinapalagay na iisang tao lamang ang may gawa sa dalawang magkahiwalay na krimen.
Sinasabing dating operatiba umano ng Manila Tricycle Regulatory Office ang hinihinalang suspek na may standing warrant of arrest dahil sa kasong pagpatay sa isa pang operatiba ng MTPB.
—-
