Regular na sa trabaho ang nasa 100 pang empleyado ng Pasig City Hall na mahigit dalawang dekada nang nagsisilbi bilang contractual employees sa lokal na pamahalaan ng lungsod.
Ito ang inianunsyo ni Pasig City Mayor Vico Sotto makaraang lagdaan nito ang appointment letters ng mga naturang empleyado na kinabibilangan ng mga street-sweeper at engineering aide.
TINGNAN: Nilagdaan ni Pasig Mayor Vico Sotto ang appointment papers ng nasa 100 bagong regular na empleyado. Ayon sa alkalde, mahigit 20 taon nang kontraktuwal lamang ang mga ito sa city hall. https://t.co/HHOy7zrLDWhttps://t.co/a4HVUtbtru
— DWIZ Newscenter (@dwiz882) June 17, 2020
Wala na rin aniyang naiwanan na kontraktuwal sa mga empleyadong mahigit 20-taon nang nagseserbisyo sa lungsod.
Magugunitang noong nakaraang buwan ng Enero at Pebrero lamang ay nasa kabuuang 163 empleyadong mahigit 20-taon nang naninilbihan sa lokal na pamahalaan ang nauna nang ni-regular sa trabaho sa termino ni Sotto.
