Wala nang bisa ang Blue Ribbon Committee meeting ng paksyon ni Senador Alan Peter Cayetano.
Ito ang pananaw ni dating Senate President Franklin Drilon matapos dumating ang labingwalong nagpakilalang bagman ni dating Congressman Zaldy Co upang tumestigo sa Senado.
Ayon kay Drilon, dahil nakapag-deklara ng quorum ang paksyon ni acting Senate President Sherwin Gatchalian, at napalitan na rin ang liderato ng mga komite sa Senado, wala nang bisa ang anumang testimonya o ulat sa naturang sesyon.
Dagdag pa ng dating senador, dahil wala nang bisa ang anumang ulat ng “Cayetano Bloc,” hindi na rin ito tatanggapin sa plenaryo ng Senado.—sa panulat ni Anjo Riñon
