Iginiit ni dating senador Koko Pimentel na kailangan ang 13 boto mula sa kabuuang 24 na senador upang makapili ng bagong Senate President.
Ayon kay Pimentel, ang bilang na 13 ay batay sa mayorya ng buong membership ng Senado, hindi lamang sa mga senador na dumadalo o present sa sesyon.
Ibig sabihin, kahit ilan pa ang dumalo sa araw ng botohan, ang basehan pa rin ng pagkapanalo sa liderato ng Senado ay ang kabuuang bilang ng 24 na senador.
Sa ganitong sistema, ang kandidatong makakakuha ng 13 boto o higit pa ang kikilalaning bagong Senate President.
