Nagpositibo sa coronavirus disease 2019 (COVID-19) ang may 10 frontliner sa Valenzuela City.
Ito ang kinumpirma ni Senador Sherwin Gatchalian sa kaniyang post sa social media kahapon.
Sinabi ng senador na pawang asymptomatic ang 10 matapos sumailalim sa testing.
Sinabi naman ni Valenzuela City Mayor Rex Gatchalian na walang dapat ikabahala ang mga residente sa kanilang lungsod.
Aniya, tuloy-tuloy naman ang ginagawang mass testing sa kanilang lungsod kaya’t agad natutugunan ang pangangailangan ng mga nagpositibo sa virus.
