Isa katao ang nasawi at anim (6) ang sugatan nang mahulog ang isang FX sa bangin sa Bobok-Bisal, Bokod, Benguet.
Kinilala ng Cordillera Police ang nasawi na si Luna Agsawal Ananayo, 66 na taong gulang.
Samantala, sugatan naman sina Clarita Ananayo, Marciana Dapiawen, Jerry Tayambong, Rpjohn Tayombong at Martes Pallay, pawang mga residente ng Canabay, Dupax del Sur, Nueva Ecija.
Dalawa sa mga sugatan ang nakalabas na ng ospital.
Ayon sa mga otoridad, nawalan ng preno ang FX na minamaneho ng isang Daniel Dapiawen.
By Judith Larino
