Posibleng nagbabalak gumanti ang mga dayuhang terorista na nasa poder ngayon ng Abu Sayyaf.
Ayon kay Lt. Gen. Cirilito Sobejana, hepe ng Western Mindanao Command (WestMinCom), nakatanggap sila ng intelligence report hinggil sa planong suicide bombing ng mga terorista matapos mapatay ang Isis leader na si Abu Bakr Al-Baghdadi.
Dahil dito, sinabi ni Sobejana na mas pina-igting nila ang mga checkpoints, intel at military operations na nagresulta nga sa pagkakapatay nila sa tatlong terorista na kinabibilangan ng mag-amang Egyptian at isang Pilipino.
Nakuha sa tatlo ang mga vests na mayroong pipe bombs na gagamitin sana sa suicide bombing.
