Patay ang 3 hinihinalang holdaper matapos makipagbarilan sa mga pulis sa Barangay Batasan Hills Quezon City.
Napag-alamang kakatapos lamang mangholdap ng taxi ng mga holdapers nang abutan sila ng mga pulis sa San Mateo Road.
Sumakay di umano ng taxi ang tatlong holdapers, itinali at piniringan ang driver at iniwan sa gilid ng Commonwealth Avenue bago tumakas dala ang taxi at 2,300 pesos na kita ng driver.
Gayunman, agad na natiyempuhan ng mga pulis ang driver sa kalsada kayat agad nilang nahabol ang mga holdaper.
Napag-alamang may isa pang kasama ang tatlong nasawi subalit nakatakas ito sa mga pulis.
By Len Aguirre
