Handa ang National Bureau of Investigation o NBI na isuko ang dalawang recruiter ng Pinay OFW sa Indonesia na si Mary Jane Veloso.
Ito’y makaraang ipag-utos na ng korte sa Nueva Ecija ang pagpapaaresto sa mag live-in partner na sina Maria Christina Sergio at Julius Lacanilao sa bisa ng inilabas na warrant of arrest.
Ayon kay Prosecutor General Claro Arellano, mismong ang NBI ang maghaharap sa dalawa sa korte na siya namang maglalabas ng commitment order kung saan ikukulong ang dalawa.
Batay sa arrest warrant, hindi papayagan sina Sergio at Lacanilao na makapaglagak ng piyansa para sa pansamantalang kalayaan sa sandaling makulong ang mga ito.
By Jaymark Dagala
